ترامپ ا ق ش- تىڭ فەدەرالدىق رەزەرۆ جۇيەسىنىڭ باسشىسىن مولشەرلەمەنى تومەندەتۋگە شاقىردى
استانا. KAZINFORM – ا ق ش پرەزيدەنتى دونالد ترامپ ەلدىڭ ىشكى جالپى ءونىمىنىڭ ەكى توقسان قاتارىنان وسۋىنە بايلانىستى فەدەرالدىق رەزەرۆ جۇيەسىنىڭ ءتوراعاسىن پايىزدىق مولشەرلەمەنى تومەندەتۋگە شاقىردى.
- ەكىنشى توقساننىڭ ءى ج ءو جاڭا عانا جاريالاندى: 3 پايىز - كۇتكەننەن جوعارى. «كەشىككەن» مولشەرلەمەنى تومەندەتۋى كەرەك. ينفلياتسيا جوق! - دەپ جازدى ترامپ Truth Social جەلىسىندە.
ول «كەشىككەن» دەپ ف ر ج ءتوراعاسى دجەروم پاۋەللدى اتادى. سەبەبى پاۋەلل بۇعان دەيىن مولشەرلەمەنى تۇسىرۋدەن باس تارتىپ، ترامپتىڭ بىرنەشە مارتە سىنىنا ۇشىراعان بولاتىن. ءوز كەزەگىندە پاۋەلل مۇنداي شەشىمدەردى ا ق ش پرەزيدەنتىنىڭ يمپورتتىق تاريفتەرگە قاتىستى كۇتپەگەن قادامدارىمەن تۇسىندىرگەن ەدى.
ا ق ش ساۋدا مينيسترلىگىنىڭ مالىمەتىنشە، 2025 -جىلدىڭ ەكىنشى توقسانىندا ەلدىڭ ىشكى جالپى ءونىمى جىلدىق ەسەپپەن 3 پايىزعا ارتقان.
بۇعان دەيىن ترامپ ەگەر وداقتاس ەلدەر كوپتەن كۇتكەن ساۋدا كەلىسىمىنە قول جەتكىزە الماسا، ءۇندىستاننان كەلەتىن يمپورتقا 25 پايىزدىق تاريف ەنگىزەتىنىن مالىمدەگەن بولاتىن.