ترامپ ا ق ش-قا اسكەري قولداۋ كورسەتپەي قويعان سەرىكتەستەرىنە شۇيلىكتى

استانا. قازاقپارات - Truth Social الەۋمەتتىك جەلىسىندەگى جازباسىندا ا ق ش پرەزيدەنتى دونالد ترامپ اۆياتسيا وتىنىنىڭ جەتىسپەۋشىلىگى تۋرالى اقپارات تاراپ جاتقان ۇلى بريتانياعا شابۋىلدادى، دەپ جازادى BILD.

- بىرىككەن كورولدىك سياقتى ورمۋز بۇعازىنداعى جاعدايدىڭ سالدارىنان اۆياتسيا وتىنىنا قول جەتكىزە الماي وتىرعان جانە يراننىڭ باسشىلىعىن جويۋعا قاتىسۋدان باس تارتقان ەلدەرگە ايتارىم بار. بىرىنشىدەن، وتىندى ا ق ش- تان ساتىپ الىڭىزدار، بىزدە ول جەتكىلىكتى. ەكىنشىدەن، كەش بولسا دا باتىلدىق تانىتىپ، شىعاناققا بارىپ، الىڭىزدار كەرەكتەرىڭىزدى. سىزدەرگە قازىر ءوز مۇددەلەرىڭىز ءۇشىن كۇرەسۋ كەرەك. ا ق ش ەندى سىزدەرگە كومەكتەسپەيدى. سىزدەر دە قاجەت ۋاقىتتتا ءبىز ءۇشىن قول ۇشىن سوزبادىڭىزدار. يران كۇيرەدى، ەڭ قيىن جۇمىس اتقارىلدى. ەندى وزدەرىڭىزدىڭ مۇنايلارىڭىزدى وزدەرىڭىز الىڭىزدار، - دەپ جازدى ترامپ.

وسىعان دەيىن ترامپ يران مەن حارك ارالىنىڭ مۇنايىن باسىپ الۋعا رۇقسات بەرگەن بولاتىن.