ترامپ 2028 -جىلعى پرەزيدەنت سايلاۋىنا قاتىسۋى مۇمكىن
استانا. KAZINFORM - ا ق ش پرەزيدەنتى دونالد ترامپ كوپتەگەن ادامداردىڭ وزىنەن 2028 -جىلى مەملەكەت باسشىسى قىزمەتىنە قايتا ۇمىتكەر بولۋىن سۇراپ جاتقانىن ايتىپ، بۇل تۋرالى ويلانىپ كورەتىنىن مالىمدەدى، دەپ جازادى تاسس.
- بىلەسىزدەر، ءبىز قايتا سايلانعىمىز كەلەدى. كوپتەگەن ادام ماعان سونى ۇسىنادى. بۇل تۋرالى ويلانامىن، دەگەنمەن بۇل - وتە كۇردەلى ماسەلە، - دەدى ول قاتارداعى ءال-ۋدەيد امەريكالىق اسكەري بازاسىندا سويلەگەن سوزىندە.
امەريكالىق كوشباسشى بۇل ءسوزىن ءازىل رەتىندە ايتىپ، بولاشاق سايلاۋالدى ناۋقانعا ۇران رەتىندە: «ترامپ-2028: سولشىلداردى ەسىنەن تاندىرايىق» دەگەن نۇسقانى ۇسىندى.
سونىمەن قاتار، بۇعان دەيىن ترامپ پرەزيدەنتتىككە ءۇشىنشى مارتە سايلاۋعا ءتۇسۋ نيەتى جوق ەكەنىن ايتقان بولاتىن.
ا ق ش كونستيتۋتسياسىنا 1951 -جىلى ەنگىزىلگەن 22- تۇزەتۋگە سايكەس، ءبىر ادام ەكى رەتتەن ارتىق مەملەكەت باسشىسى بولىپ سايلانا المايدى. كەلەسى پرەزيدەنت سايلاۋى ا ق ش- تا 2028 -جىلى وتەدى.
بۇعان دەيىن 20 شتات ترامپ اكىمشىلىگىن سوتقا بەرگەنىن جازدىق.
اۆتور
جاراسقان نۇرىبايەۆ