ترامپ 20 ەلدىڭ كوشباسشىسىمەن كەزدەسۋدى جوسپارلاپ وتىر
09:41, 21 - قىركۇيەك 2025
استانا. KAZINFORM - ا ق ش پرەزيدەنتى دونالد ترامپ بۇۇ باس اسسامبلەياسىنىڭ 80-سەسسياسى اياسىندا 20 ەلدىڭ كوشباسشىسىمەن كەزدەسۋدى جوسپارلاپ وتىرعانىن ايتتى، دەپ حابارلايدى Report.
امەريكالىق كوشباسشى بۇل تۋرالى اق ۇيدە جۋرناليستەردىڭ سۇراقتارىنا جاۋاپ بەرۋ كەزىندە ايتتى.
- مەن كوپتەگەن باسشىلارمەن كەزدەسەمىن، شامامەن جيىرماداي. بارلىعى كەزدەسكىسى كەلەدى، ءبىز ولاردىڭ كەيبىرىمەن كەزدەسەمىز، - دەدى ول.
بىرىككەن ۇلتتار ۇيىمى باس اسسامبلەياسىنىڭ 80-سەسسياسىندا باستى شارالار 23-27 جانە 29 -قىركۇيەكتە وتەتىن جالپى ساياسي پىكىرتالاستار دەپ كۇتىلۋدە. وسى كەزەڭدە بارلىعى 195 دەلەگاتسيا ءسوز سويلەيدى دەپ جوسپارلانعان.
ايتا كەتەيىك، بۇعان دەيىن ترامپ جۇمىس ۆيزاسىنىڭ تولەمىن 100000 دوللارعا دەيىن كوتەرگەنىن جازعان ەدىك.