تراكتور مەن جەڭىل كولىك سوقتىعىسىپ، ءۇش ادام قازا تاپتى

پەتروپاۆل. KAZINFORM - سولتۇستىك قازاقستان وبلىسى بەسكول اۋىلىنىڭ ماڭىندا جول-كولىك وقيعاسى بولىپ، ءۇش ادام مەرت بولدى.

جول-كولىك اپاتى بۇگىن قىزىلجار اۋدانى بەسكول اۋىلىنان 3 ك م جەردە بولعان. سقو پوليتسيا دەپارتامەنتى باسپا ءسوز قىزمەتىنىڭ مالىمەتىنشە، «استانا - پەتروپاۆل» اۆتوجولىندا Infiniti FX45 اۆتوكولىگىنىڭ جۇرگىزۋشىسى ءبىر باعىتتا كەتىپ بارا جاتقان «بەلارۋس» تراكتورىنىڭ تىركەمەسىنە سوعىلعان.

سالدارىنان جەڭىل كولىكتىڭ 20 جاستاعى جۇرگىزۋشىسى مەن ونىڭ 37 جانە 27 جاستاعى ەكى جولاۋشىسى وقيعا ورنىندا كوز جۇمدى، تاعى ءبىر 1996 -جىلعى جولاۋشى قىز بالا ورتالىق اۋداندىق اۋرۋحاناعا جەتكىزىلدى. تراكتوردىڭ 35 جاستاعى جۇرگىزۋشىسى زارداپ شەكپەدى.

قازىرگى ۋاقىتتا پوليتسيا قىزمەتكەرلەرى ءۇش ادامنىڭ قازاسىنا الىپ كەلگەن جول-كولىك وقيعاسى فاكتىسى بويىنشا قاجەتتى ساراپتامالار مەن سوتقا دەيىنگى ءىس جۇرگىزۋدى تاعايىنداۋ ءۇشىن ماتەريالدار جيناپ جاتىر.

بۇعان دەيىن «استانا- پەتروپاۆل اۆتوجولىندا بوياۋ تيەلگەن فۋرانىڭ اۋدارىلىپ قالعانىن جازعان ەدىك.

اۆتور
اقەركە داۋرەنبەك قىزى