- يرانعا كەلىسىم جاساۋ ءۇشىن مەنەن ارتىق مۇمكىندىك بەرگەن ەشكىم بولعان جوق. وكىنىشتىسى، ولار بۇل مۇمكىندىكتى پايدالانا المادى، - دەپ جازدى ترامپ ءوزىنىڭ Truth Social الەۋمەتتىك جەلىسىندە.
ا ق ش پرەزيدەنتى جاڭا ناۋقاندى «بۇرىن-سوڭدى بولماعان اۋقىمداعى ەكونوميكالىق سوعىس پەن وقشاۋلاۋ» دەپ اتادى.
ترامپ سونداي-اق يراندى قولدايتىن ەلدەردى ىقتيمال سالدار تۋرالى ەسكەرتىپ، ا ق ش وداقتاستارىن ۆاشينگتونعا قوسىلۋعا شاقىردى.
الايدا ا ق ش پرەزيدەنتىنىڭ مالىمدەمەسىندە ۆاشينگتوننىڭ تەگەرانعا قارسى ناقتى قانداي جاڭا ەكونوميكالىق شارالار قابىلدايتىنى ايتىلماعان.
ايتا كەتەيىك، يران ا ق ش-تى پارسى شىعاناعىن لاستادى دەپ ايىپتادى. تەگەران پارسى شىعاناعى مەن ومان تەڭىزىنە كەلتىرىلگەن ەكولوگيالىق زالال ءۇشىن وتەماقى تالاپ ەتۋگە نيەتتى.