بۇل مالىمدەمە ا ق ش كەمەلەرىنىڭ «Project Freedom» وپەراتسياسىنا قاتىستى ايتىلعان. ا ق ش- تىڭ ورتالىق قولباسشىلىعى وپەراتسياعا «باسقارىلاتىن زىمىراندارمەن جابدىقتالعان ەسمينەتستەر، 100 دەن استام قۇرلىقتىق جانە تەڭىز بازاسىنداعى اۋە كەمەلەرى، كوپ سالالى پيلوتسىز پلاتفورمالار جانە 15 مىڭ سارباز جۇمىلدىرىلادى» دەپ جاريالادى.
الايدا يران تاراپى بۇعازداعى قوزعالىستى تەگەران باسقارادى دەگەن پىكىردە. اق ءۇي باسشىسى بۇل ورايدا ورتەنگەن كورەيالىق كەمەنى مەڭزەپ، سەۋلدى دە ميسسياعا قوسىلۋعا شاقىردى. وڭتۇستىك كورەيا ازىرگە رەسمي تۇردە جاۋاپ بەرمەگەن.
وليۆيا ۋەلس، اق ءۇي وكىلى:
- ا ق ش ورمۋز بۇعازىندا كوممەرتسيالىق كەمە قاتىناسىنىڭ ەركىندىگىن قالپىنا كەلتىرۋگە باعىتتالعان گۋمانيتارلىق باستامانى جۇزەگە اسىرىپ جاتىر جانە سونىمەن قاتار يران پورتتارىنا قاتىستى تەڭىزدىك بلوكادانى ساقتاپ وتىر. يران بەيبىت كوممەرتسيالىق كەمەلەرگە شابۋىل جاساۋدى تاڭداعان كەزدە ا ق ش حالىقارالىق قاۋىمداستىق اتىنان تاۋەكەلدى ءوز موينىنا الىپ، جاھاندىق ساۋدانى قورعاپ، بۇعازدا قالعان كەمەلەردىڭ قاۋىپسىز ءوتۋىن قامتاماسىز ەتىپ جاتىر.
24.kz