ترامپ پۋتين جانە شي جينپيڭمەن كەزدەسۋ ءۇشىن قىتايعا باردى

استانا. KAZINFORM - ا ق ش پرەزيدەنتى دونالد ترامپ قىتاي مەن رەسەيدىڭ كوشباسشىلارىمەن كەزدەسۋ ءۇشىن قىتايدىڭ شىنجىن قالاسىنا كەلدى.

Фото: Xinhua

ق ح ر ءتوراعاسى شي جينپيڭ دونالد ترامپتى اۋەجايدا ءوزى قارسى الدى. بۇل ەكىجاقتى ماڭىزدى ماسەلەلەر بويىنشا كەلىسسوزدەر الدىندا مۇقيات ويلاستىرىلعان ديپلوماتيالىق قادام رەتىندە قاراستىرىلىپ وتىر.

BBC- ءدىڭ جازۋىنشا، شي جينپيڭ قىتاي پرەزيدەنتى رەتىندە شەتەلدىك كوشباسشىنى اۋەجايدا العاش رەت قارسى الدى.

وسىلايشا، قىتاي ءتوراعاسى قىركۇيەك ايىندا ۆاشينگتون اۋەجايىندا جەكە ءوزى قارسى العان ترامپتىڭ ارەكەتىنە جاۋاپ قايىردى.

BBC بۇل جايت ساۋدا جانە تەحنولوگيا بويىنشا كەلىسسوزدەر ءۇشىن قولايلى اتموسفەرا جاساۋعا كومەكتەسەدى دەپ سانايدى.

قىتاي، رەسەي جانە امەريكا قۇراما شتاتتارى كوشباسشىلارىنىڭ ءۇشجاقتى كەزدەسۋى 19-قاراشادا شىنجىندە ازيا- تىنىق مۇحيت ەكونوميكالىق ىنتىماقتاستىعى سامميتى اياسىندا وتكەلى وتىر.

بۇگىن تاڭەرتەڭ قىتاي پرەزيدەنتى شي جينپيڭمەن رەسەي پرەزيدەنتى ۆلاديمير پۋتين شىنجىندە ەكىجاقتى كەلىسسوز جۇرگىزدى.

قىتاي سىرتقى ىستەر مينيسترلىگى كەزدەسۋدىڭ ەگجەي-تەگجەيلەرى كەيىنىرەك جاريالاناتىنىن مالىمدەدى.