ترامپ پەن پۋتين شىنجىندە كەلىسسوز جۇرگىزدى

استانا. KAZINFORM – ا ق ش پرەزيدەنتى دونالد ترامپ پەن رەسەي پرەزيدەنتى ۆلاديمير پۋتين قىتايدا وتكەن ازيا-تىنىق مۇحيتى ەكونوميكالىق ىنتىماقتاستىعى ءسامميتى اياسىندا كەزدەسىپ، ودان كەيىن ق ح ر ءتوراعاسى شي جينپيڭمەن بىرلەسكەن كەلىسسوز وتكىزەدى، دەپ حابارلايدى Kazinform اگەنتتىگىنىڭ ۆاشينگتونداعى مەنشىكتى ءتىلشىسى CBS News كە سىلتەمە جاساپ.

Кадр из видео

- ءبىز كوپ جىل بويى جاقسى قارىم-قاتىناستا بولدىق. بۇل كەزدەسۋدەن وڭ ناتيجە كۇتۋگە بولادى دەپ ويلايمىن. قالاي بولعاندا دا، جاقسى ءبىر ءىستىڭ باستاماسى بولارىنا سەنىمدىمىن،- دەدى دونالد ترامپ كەزدەسۋ الدىندا.

جيىنعا ا ق ش مەملەكەتتىك حاتشىسى ماركو رۋبيو، قارجى ءمينيسترى سكوتت بەسسەنت، رەسەي سىرتقى ىستەر ءمينيسترى سەرگەي لاۆروۆ جانە رەسەيدىڭ وزگە دە رەسمي وكىلدەرى قاتىستى.

ايتا كەتەيىك، پۋتينمەن قول الىسىپ امانداسۋعا بەتتەگەن ترامپ ودان: «بۇل كىم؟» دەپ سۇراپ، ارتىنشا كۇلىپ: «بۇل مەنىڭ دوسىم»، - دەدى.

ترامپ پەن پۋتيننىڭ كەزدەسۋى شامامەن 40 مينۋتقا سوزىلدى. اق ءۇي ونى ەكىجاقتى كەزدەسۋگە قاراعاندا بەيرەسمي سيپاتتاعى «جەكە كەزدەسۋ» دەپ اتادى. ال كەلىسسوز قورىتىندىسى ازىرگە جاريالانعان جوق.

كەلەسى كەزەكتە ترامپ شي جينپيڭمەن كەزدەسەدى. ودان كەيىن قىتاي، رەسەي جانە ا ق ش باسشىلارىنىڭ ءۇشجاقتى كەزدەسۋى وتەدى.

ا ق ش پرەزيدەنتى قىتاي مەن رەسەي باسشىلارىمەن يادرولىق قارۋسىزدانۋ ماسەلەسىن تالقىلاۋدى جوسپارلاپ وتىرعانىن مالىمدەدى. بۇل ەكى ەل ا ق ش-پەن بىرگە الەمدەگى يادرولىق قارۋى ەڭ كوپ ءۇش مەملەكەتتىڭ قاتارىنا كىرەدى. سونداي-اق كەزدەسۋدە وزگە دە حالىقارالىق ماسەلەلەر تالقىلانادى.