بۇل تۋرالى ول تەحاستا وتكەن سايلاۋالدى جيىندا مالىمدەدى، دەپ حابارلايدى ر ب ك.
«مۇمكىن، ءبىر كۇنى، بالكىم، جاقىن ارادا ۆەنەسۋەلا گۇلدەنگەن 51-شتاتقا اينالار. بۇل مۇمكىن. وسىنى جۇزەگە اسىرايىق. ونى 51-شتات ەتەيىك، سوندا پرەزيدەنتتىڭ ورنىنا گۋبەرناتور سايلايتىن بولامىز. بۇعان قالاي قارايسىزدار؟ تۇسىنىكتى مە؟» - دەدى ترامپ.
ا ق ش باسشىسى مامىر ايىندا دا ۆەنەسۋەلانى ەلدىڭ 51-شتاتىنا اينالدىرۋ مۇمكىندىگىن شىنداپ قاراستىرىپ جۇرگەنىن ايتقان ەدى. ول مۇنداي قىزىعۋشىلىعىن ۆەنەسۋەلاداعى مول مۇناي قورىمەن ءتۇسىندىردى.
ۆەنەسۋەلا پرەزيدەنتىنىڭ مىندەتىن اتقارۋشى دەلسي رودريگەس بۇل ۇسىنىستى قابىلداماي، ەلدىڭ تاۋەلسىزدىگىن، ەگەمەندىگى مەن اۋماقتىق تۇتاستىعىن قورعاۋعا نيەتتى ەكەنىن مالىمدەدى.
«ۆەنەسۋەلا - وتار ەمەس، ازات ەل»، - دەدى ول.
2026-جىلعى قاڭتاردا ا ق ش اسكەرى ۆەنەسۋەلا پرەزيدەنتى نيكولاس مادۋرو مەن ونىڭ جۇبايىن تۇتقىندادى. وسىدان كەيىن مەملەكەت باسشىسىنىڭ مىندەتى رودريگەسكە جۇكتەلدى. قازىر مادۋرو ا ق ش- تا قاماۋدا وتىر. وعان ەسىرتكى تاسىمالىنا بايلانىستى ايىپتار تاعىلعان.
قازان ايىنىڭ باسىندا ۆەنەسۋەلا وپپوزيتسياسىنىڭ كوشباسشىسى ءارى نوبەل بەيبىتشىلىك سىيلىعىنىڭ لاۋرەاتى ماريا كورينا ماچادو كەلەسى جىلى ەلدە سايلاۋ وتكىزۋگە شاقىردى.