سونداي-اق ول ارال مەملەكەتىنە قارسى اسكەري كۇش قولدانۋ مۇمكىندىگىن دە قاراستىراتىنىن ايتتى، دەپ حابارلايدى Anadolu اگەنتتىگى.
ترامپ بۇل تۋرالى Salem News Channel تەلەارناسىنا بەرگەن سۇحباتىندا ايتتى. ودان پرەزيدەنتتىك مەرزىمى اياقتالعانعا دەيىن كۋباعا قارسى اسكەري وپەراتسيا جۇرگىزۋگە رۇقسات بەرە مە دەپ سۇراعان.
- مەن قىزمەتىمنەن كەتپەي تۇرىپ كۋبا ماسەلەسىن شەشكىم كەلەدى،-دەدى ا ق ش پرەزيدەنتى.
ول ۆاشينگتوننىڭ ارالداعى جاعدايدى ءجىتى باقىلاپ وتىرعانىن اتاپ ءوتتى.
- ءبىز ونداعى جاعدايدى مۇقيات قاداعالاپ وتىرمىز. ەلدىڭ جاعدايى وتە ناشار. نەگىزىنەن، بۇل - ساتسىزدىككە ۇشىراعان مەملەكەت،-دەدى ترامپ.
سونداي-اق ول اتا-اناسى كۋبادان شىققان ا ق ش مەملەكەتتىك حاتشىسى ماركو رۋبيونى ماقتادى. ترامپتىڭ ايتۋىنشا، رۋبيو دا كۋبا ماسەلەسىن شەشۋگە مۇددەلى.
- مەن مۇنى سول ەلدەن امەريكاعا كەلىپ، كەزىندە قاتتى قيىندىق كورگەن كۋبالىقتاردىڭ يگىلىگى ءۇشىن جاساعىم كەلەدى،-دەدى ول.
ا ق ش پرەزيدەنتى كۋباعا قارسى اسكەري كۇش قولدانۋ مۇمكىندىگىن دە جوققا شىعارمادى.
ايتا كەتەيىك، ا ق ش-تىڭ قىسىمىمەن كۋبا تاعى دا جارىقسىز قالعانىن جازدىق.
سونداي-اق ۆاشينگتون كۋباعا قارسى سانكتسيالارىن كەڭەيتتى. بۇل پرەزيدەنت ميگەل دياس-كانەل مەن راۋل كاسترونىڭ وتباسى مۇشەلەرىنە اسەر ەتتى.