ترامپتىڭ ايتۋىنشا، رەسەي 300 مىڭ توننادان استام ديزەل وتىنىن جاقىن ارادا جەتكىزەدى. بۇدان بولەك قاراشادا تاعى 500 مىڭ توننا، ال ودان كەيىن 1 ميلليون توننا ديزەل وتىنىن جەتكىزۋ جوسپارلانعان.
- مەن رەسەي پرەزيدەنتى ۆلاديمير پۋتينمەن جاڭا عانا وتە ناتيجەلى كەلىسسوز جۇرگىزدىم. ونىڭ قورىتىندىسى بويىنشا رەسەي اقش پەن الەمدىك نارىققا 300 مىڭ توننادان استام ديزەل وتىنىن جاقىن ارادا جەتكىزەدى. سونىمەن قاتار قاراشا ايىندا تاعى 500 مىڭ توننا، ال ودان كەيىن بىردەن 1 ميلليون توننا ديزەل وتىنىن جەتكىزۋ جوسپارلانىپ وتىر، - دەپ جازدى دونالد ترامپ Truth Social الەۋمەتتىك جەلىسىندەگى پاراقشاسىندا.
ا ق ش پرەزيدەنتىنىڭ ايتۋىنشا، رەسەيدىڭ مۇناي وڭدەۋ زاۋىتتارىنىڭ وندىرىستىك الەۋەتىن ەسكەرسەك، ەل قىسقا مەرزىم ىشىندە قوسىمشا 3 ميلليون توننا ديزەل وتىنىن جەتكىزۋگە قاۋقارلى.
- ورمۋز بۇعازىنا تولىق باقىلاۋ ورناتۋىمىز جانە رەسەيدىڭ ەنەرگەتيكالىق رەسۋرستارىنا قاتىستى ماڭىزدى مالىمدەمەمىز اقش- تا عانا ەمەس، بۇكىل الەمدە ديزەل وتىنى باعاسىنىڭ ەداۋىر تومەندەۋىنە ىقپال ەتەدى. سونىڭ ناتيجەسىندە جانارماي باعاسى جاقىن ارادا تۇسەدى، - دەپ مالىمدەدى دونالد ترامپ.
سونىمەن قاتار اقش قارجى مينيسترلىگى رەسەي ديزەل وتىنىن ەل نارىعىنا جەتكىزۋگە رۇقسات بەرەتىن ۋاقىتشا ليتسەنزيا بەرگەنى بەلگىلى بولدى.
ت ا س س اگەنتتىگىنىڭ مالىمدەۋىنشە، رەسەي ا ق ش پەن الەمدىك نارىقتارعا مۇناي جانە مۇناي ونىمدەرىن جەتكىزۋگە دايىن ەكەنىن راستاعان. مۇنى رەسەي پرەزيدەنتى ۆلاديمير پۋتين ا ق ش پرەزيدەنتى دونالد ترامپپەن تەلەفون ارقىلى سويلەسكەننەن كەيىن مالىمدەدى.
بۇدان بولەك ەكى ەل باسشىسى ۋكرايناداعى قاقتىعىستى رەتتەۋ جولدارى مەن ونى بەيبىت جولمەن شەشۋ پەرسپەكتيۆالارىنا ەرەكشە نازار اۋدارعان.
پۋتيننىڭ سوزىنشە، رەسەي مۇنايىنىڭ ا ق ش نارىعىنا قايتا جەتكىزىلۋى الەمدىك ەكونوميكاعا وڭ اسەرىن تيگىزەدى.
كرەملدىڭ حابارلاۋىنشا، ۆلاديمير پۋتين مەن دونالد ترامپ جەكە بايلانىستاردى جالعاستىرۋعا، سونداي-اق ەكى ەل اكىمشىلىكتەرى، ارنايى قىزمەتتەرى مەن ءتيىستى مەملەكەتتىك ورگاندارى اراسىنداعى ىنتىماقتاستىقتى ودان ءارى دامىتۋعا ۋاعدالاسقان.
بۇعان دەيىن دونالد ترامپتىڭ ا ق ش- تا ديزەل وتىنىنىڭ باعاسىن تومەندەتۋگە باعىتتالعان جارلىققا قول قويعانىن حابارلاعان ەدىك.
سونىمەن قاتار ا ق ش پرەزيدەنتى ەلدىڭ ستراتەگيالىق مۇناي قورىن تولىقتىرۋ نيەتى بار ەكەنىن دە مالىمدەگەن ەدى.