ول ا ق ش پرەزيدەنتى دونالد ترامپقا سەنىم بىلدىرگەنى ءۇشىن العىس ايتىپ، ونىڭ كومانداسىندا جۇمىس ىستەۋدى بۇرىننان قالاعانىن جەتكىزدى، دەپ حابارلايدى Associated Press اگەنتتىگى.
زاحاريانىڭ العاشقى بريفينگى شامامەن 14 مينۋتقا سوزىلدى. ول الدىمەن كىرىسپە مالىمدەمە جاساپ، كەيىن ءۇش بۇقارالىق اقپارات قۇرالى وكىلدەرىنىڭ سۇراقتارىنا جاۋاپ بەردى.
- اق ءۇيدىڭ جاڭا باسپاءسوز حاتشىسى رەتىندە پرەزيدەنت ترامپ پەن امەريكا حالقىنا قىزمەت ەتۋ مەن ءۇشىن ۇلكەن مارتەبە. مەن ونىمەن جۇمىس ىستەۋدى كوپتەن بەرى ارماندادىم، - دەدى كەتي زاحاريا.
ول بىرنەشە كۇن بۇرىن اق ءۇيدىڭ باسپاءسوز حاتشىسى قىزمەتىنە تاعايىندالعان. بۇعان دەيىن Trump Media Technology Group كومپانياسىندا كوممۋنيكاتسيالار جونىندەگى كەڭەسشى بولىپ جۇمىس ىستەگەن. سونداي-اق ا ق ش-تىڭ كونسەرۆاتيۆتىك باعىتتاعى بۇقارالىق اقپارات قۇرالدارىمەن ىنتىماقتاستىق ورناتقان.
بريفينگ بارىسىندا زاحاريا پرەزيدەنتتىڭ ساياسي كۇن ءتارتىبىن قوعامعا جەتكىزۋگە نيەتتى ەكەنىن مالىمدەدى. ونىڭ ايتۋىنشا، دونالد ترامپتىڭ ءوزى ءالى دە «ءوزىنىڭ ەڭ ۇزدىك باسپا ءسوز حاتشىسى» بولىپ قالا بەرەدى.
ايتا كەتەيىك، بۇعان دەيىن اق ءۇيدىڭ بۇرىنعى باسپا ءسوز حاتشىسى كەرولاين ليەۆيتت وتباسىنا كوبىرەك ۋاقىت ءبولۋ ءۇشىن قىزمەتىنەن كەتەتىنىن مالىمدەگەن بولاتىن. ول بۇل لاۋازىمعا تاعايىندالعان كەزدە ا ق ش تاريحىنداعى ەڭ جاس اق ءۇي باسپا ءسوز حاتشىسى اتانعان ەدى.