ەلدە بۇعان قاتىستى بەلگىلى ءبىر شەكتەۋلەر بار، ءبىراق ول ءبارىبىر ءوز كانديداتۋراسىن ۇسىنا الاتىنىنا سەنىمدى، دەپ حابارلايدى CNN Politics.
بۇل تۋرالى ترامپ ايوۆا شتاتىنداعى جاقتاستارىنىڭ الدىندا سويلەگەن سوزىندە ايتتى.
«زاڭ بويىنشا ماعان قايتادان سايلاۋعا تۇسۋگە بولمايدى دەپ ويلايمىن. مەن بۇل تۇجىرىمدى وتە ۇزاق زەرتتەدىم. وكىنىشكە قاراي، ول وتە قىسقا قايىرىلعان. بۇلتارۋعا مۇمكىندىك جوق»، - دەدى ول.
دەگەنمەن، دونالد ترامپ سونىمەن بىرگە تاعى دا سايلاۋعا تۇسۋگە ءبارىبىر قۇقىعى بار ەكەنىن اتاپ ءوتتى. ا ق ش پرەزيدەنتى مۇنداي قۇقىقتى وعان دەموكراتتار تاراپىنان جاسالعان بۇرمالاۋشىلىقتار بەرەدى دەپ سانايدى.
«مەنىڭ قايتادان سايلاۋعا تۇسۋگە قۇقىعىم بار دەپ ويلايمىن. مەنىڭ قايتادان سايلاۋعا تۇسۋگە قۇقىعىم بار، ويتكەنى ولار الاياقتىق جاسادى»، - دەدى ول 2020-جىلعى سايلاۋداعى دالەلدەنبەگەن بۇرمالاۋشىلىقتاردى مەڭزەپ.
ايتا كەتەيىك، ا ق ش- تاعى كەلەسى جالپىحالىقتىق پرەزيدەنت سايلاۋى 2028-جىلعى 7-قاراشادا ءوتۋى ءتيىس. سول كەزدە امەريكالىقتار مەملەكەتتىڭ 48-باسشىسىن سايلايدى.