استانا. KAZINFORM – ا ق ش پرەزيدەنتى دونالد ترامپ كەلەسى سايلاۋعا قاتىسقىسى كەلەتىنىن، ءبىراق پرەزيدەنتتىك مەرزىمگە قويىلعان كونستيتۋتسيالىق شەكتەۋدى مويىندايتىنىن مالىمدەدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى New York Post باسىلىمىنا سىلتەمە جاساپ.
ا ق ش پرەزيدەنتى The Washington Post گازەتىنىڭ «Pod Force One» پودكاسىنا قاتىستى. پودكاستا تاعى ءبىر پرەزيدەنتتىك مەرزىمگە ۇمىتكەر بولعىسى كەلەتىنىن مالىمدەدى.
- مۇمكىندىك بولسا، قايتادان ۇمىتكەر بولار ەدىم، ءبىراق ەرەجە وتە قاتاڭ، - دەدى ترامپ ا ق ش كونستيتۋتسياسىنا سىلتەمە جاساي وتىرىپ.
ايتا كەتەيىك، ا ق ش كونستيتۋتسياسىنا ەنگىزىلگەن 22-تۇزەتۋگە سايكەس، ەشكىم ەكى مەرزىمنەن ارتىق ەل پرەزيدەنتى بولا المايدى.
ترامپ ءۇشىنشى مارتە پرەزيدەنت بولعىسى كەلەتىنىن بۇعان دەيىن دە بىلدىرگەن بولاتىن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан