استانا. KAZINFORM – ا ق ش پرەزيدەنتى دونالد ترامپ 2009-جىلى 13 ارىپتەسىن ولتىرگەن بۇرىنعى ارميا مايورى نيدال ماليك حاساندى اتۋ جازاسىن ماقۇلدادى، دەپ حابارلايدى Kazinform اگەنتتىگىنىڭ ۆاشينگتونداعى مەنشىكتى ءتىلشىسى USA Today باسىلىمىنا سىلتەمە جاساپ.
ترامپ حاساننىڭ ءولىم جازاسىن ا ق ش قورعانىس ءمينيسترى پيت حەگسەتتىڭ ۇسىنىسى بويىنشا ماقۇلدادى.
Death Penalty Information Center كوممەرتسيالىق ەمەس ءولىم ۇيىمىنىڭ مالىمەتى بويىنشا، ءولىم جازاسى 1961-جىلدان بەرى ا ق ش اسكەري قىزمەتشىسىنە قولدانىلماعان.
حاسان ا ق ش ارمياسىنىڭ مايورى بولعان. 2009-جىلدىڭ 5-قاراشاسىندا ول تەحاس شتاتىنداعى فورت-حۋدتا ءوز ارىپتەستەرىنە وق جاۋدىرعان. 2013 -جىلى ونى اسكەري تريبۋنال ءولىم جازاسىنا كەستى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.