تۋنيستىڭ بۇرىنعى پرەزيدەنتى 22 جىلعا سوتتالدى
استانا. KAZINFORM - تۋنيستەگى سوت ەكس-پرەزيدەنت مونسەف مارزۋكيدى سىرتتاي 22 جىلعا باس بوستاندىعىنان ايىردى. ساياساتكەر - قازىرگى تۋنيس پرەزيدەنتى كايس سايدتىڭ اشىق سىنشىسى، دەپ جازدى DW.
سوت شەشىمى تۋرالى 21 -ماۋسىم، سەنبى كۇنى Reuters اگەنتتىگى حابارلادى. قازىرگى بيلىككە وپپوزيتسياداعى 79 جاستاعى مارزۋكي مەملەكەتتىك قاۋىپسىزدىككە قاۋىپ ءتوندىردى دەپ ايىپتالىپ وتىر. ول قازىر پاريجدە قۋعىندا ءجۇر.
- مەنىڭ بۇل سۋديالارعا ايتارىن: سەندەردىڭ ۇكىمدەرىڭ زاڭسىز… جاقىندا سەندەردىڭ وزدەرىڭ سوت الدىندا بولاسىڭدار. دەموكراتيا قايتىپ ورالادى، - دەدى مارزۋكي ۇكىمگە بايلانىستى پىكىرىندە.
مارزۋكي 2011- 2014 -جىلدار ارالىعىندا تۋنيستىڭ پرەزيدەنتى بولعان. ول كايس سايدتى پارلامەنتتى تاراتىپ، اۆتوريتارلىق رەجيم ورناتتى دەپ ايىپتاپ كەلەدى. ال سايد ءوز ارەكەتتەرىن ەل ىشىندەگى تۇراقتىلىقتى ساقتاۋ ماقساتىندا جاسالعان قاجەتتى قادامدار دەپ تۇسىندىرەدى.
بۇل - مارزۋكيگە شىعارىلعان ءۇشىنشى سوت ۇكىمى.
تۋنيستەگى ەكونوميكالىق داعدارىس جانە ساياسي تۇراقسىزدىق
تۋنيس بىرنەشە جىلدان بەرى ەكونوميكالىق داعدارىس جاعدايىندا ءومىر ءسۇرىپ كەلەدى. حالىق كوفە، ءسۇت، قانت سياقتى نەگىزگى ازىق- تۇلىكتەرگە قول جەتكىزۋدە قيىندىق كورىپ وتىر.
2021 -جىلدىڭ جازىندا پرەزيدەنت سايد ۇكىمەتتى تاراتىپ، پارلامەنتتىڭ جۇمىسىن توقتاتتى. كەيىن ول جاڭا كونستيتۋتسيا قابىلداتىپ، ءوز وكىلەتتىكتەرىن كەڭەيتتى. الايدا، Reuters مالىمەتىنشە، سايد بيلىكتى كۇشەيتكەنىنە قاراماستان، ەلدەگى ەكونوميكالىق جاعدايدى جاقسارتا المادى.
2023 -جىلعى جاپپاي نارازىلىقتار
2023 -جىلى تۋنيستە پرەزيدەنت سايدتىڭ وتستاۆكاسىن تالاپ ەتكەن جاپپاي نارازىلىقتار بىرنەشە رەت ءوتتى.
كايس سايد پرەزيدەنتتىككە 2019 -جىلى تاۋەلسىز كانديدات رەتىندە سايلانىپ، ەكىنشى تۋردا «تۋنيستىڭ جۇرەگى» پارتياسىنىڭ ۇمىتكەرى نابيل كارۋيدى جەڭىپ شىققان. ول r,71 داۋىس جيناعان بولاتىن. 2024 -جىلى قايتا سايلاۋعا ءتۇسىپ، ءبىرىنشى تۋردا- اق �,69 داۋىس جيناپ، جەڭىسكە جەتتى.