تۇندە ەر ادامدارعا قاراعاندا ايەلدەر ءجيى جان تاپسىرادى

استانا. KAZINFORM - سەدارس-سيناي اۋرۋحاناسىنىڭ (ا ق ش) كەنەتتەن جۇرەك توقتاۋىنىڭ الدىن الۋ ورتالىعىنىڭ قىزمەتكەرلەرى Heart Rhythm جۋرنالىندا زەرتتەۋ ناتيجەلەرىن جاريالادى.

ماماندار ءالى كۇنگە دەيىن تۇنگى ۇيقى كەزىندە جۇرەك بۇلشىقەتىنىڭ زات الماسۋى مەن جيىرىلۋ جيىلىگى باياۋلاپ، قان قىسىمى تومەندەپ، كەيدە جۇرەكتىڭ ەلەكترلىك بەلسەندىلىگى كەنەتتەن بۇزىلىپ، توقتاپ قالۋىنىڭ سەبەبىن بىلمەيدى. بۇل قۇبىلىس ادەتتە ولىمگە اكەلەتىنى بەلگىلى. ونىڭ ينفاركتتان ايىرماشىلىعى - دەنەدە ەشقانداي اۋىرسىنۋ بەلگىلەرى بايقالمايدى. جۇرەكتىڭ كەنەتتەن توقتاۋى ايەلدەرگە قاراعاندا ەرلەردە ءجيى كەزدەسەدى ەكەن. دەسە دە، تۇنگى ۋاقىتتا ايەلدەردىڭ ۇلەسى باسىم.

زەرتتەۋشىلەر جۇرەكتىڭ كەنەتتەن توقتاپ قالۋىنىڭ ءتورت مىڭنان استام جاعدايلارى تۋرالى دەرەكتەردى تالداعان. ونىڭ ءۇش مىڭنان استامى كۇندىزگى ۋاقىتتا، ال قالعاندارى كەشكى ساعات 22.00 مەن تاڭعى 6-عا دەيىن بولعان.

ءتۇن ورتاسىندا قايتىس بولعانداردىڭ اراسىندا ەرلەرگە ( ,6) قاراعاندا ايەلدەر (%,4) كوپ ەكەنى انىقتالعان.

تۇندە جىنىسىنا قاراماستان وكپەنىڭ سوزىلمالى وبسترۋكتيۆتى اۋرۋى مەن وكپەنىڭ دەمىكپەسىنە شالدىققاندار، تەمەكى شەگەتىندەر ءجيى جان تاپسىرعان. سونىمەن قاتار، قايتىس بولعانداردىڭ كوبى ميعا قانداي دا ءبىر تۇردە اسەر ەتەتىن ۇيىقتاتاتىن دارىلەر، انالگەتيكتەر نەمەسە انتيدەپرەسسانتتار سياقتى تىنىس الۋدى باسۋى مۇمكىن پرەپاراتتاردى قابىلداعان.

ناتيجەلەر نەگىزىندە عالىمدار دارىگەرلەرگە مۇنداي ءدارى-دارمەكتەردى كەنەتتەن جۇرەك توقتاپ قالۋ قاۋپى جوعارى ادامدارعا، اسىرەسە ايەلدەرگە تاعايىنداعاندا ساقتىقپەن قولدانۋعا كەڭەس بەرەدى.

اۆتور

ورالحان قوجانوۆ