تۇندە اياز، ۇسىك، ەكپىندى جەل: 21-ساۋىرگە ارنالعان اۋا رايى بولجامى

استانا. KAZINFORM - قازگيدرومەت سينوپتيكتەرى 21 -ساۋىرگە ارنالعان اۋا رايى بولجامىن جاريالادى.

سينوپتيكتەر ەرتەڭ، 21-ساۋىردە استانا مەن قازاقستاننىڭ 14 وڭىرىندە نايزاعاي ويناپ، جاۋىن-شاشىن بولاتىنىن، ەكپىندى جەل سوعاتىنىن بولجاپ وتىر.

كۇندىز جامبىل وبلىسىنىڭ تاۋلى اۋداندارىندا نايزاعاي وينايدى، تۇمان بولادى دەپ كۇتىلەدى. وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا سولتۇستىك-شىعىستان سوققان جەلدىڭ ەكپىنى 15-20 م/س، كەي تۇستا 25 م/س قۇرايدى. تۇندە وبلىستىڭ وڭتۇستىگىندە توپىراق بەتى قاتىپ، 1 گرادۋس سۋىق بولادى، ۇسىك جۇرەدى دەپ كۇتىلەدى. تارازدا سولتۇستىك- شىعىستان جەل سوعادى، تۇندەگى ەكپىنى - 15-20 م/س.

كۇندىز اقمولا وبلىسىنىڭ باتىسىندا، وڭتۇستىگىندە نايزاعاي وينايدى دەپ كۇتىلەدى. وبلىستىڭ سولتۇستىگىندە، شىعىسىندا، وڭتۇستىگىندە وڭتۇستىك- باتىستان سولتۇستىك- شىعىسقا ويىسا سوققان جەلدىڭ ەكپىنى 15-20 م/س قۇرايدى. كوكشەتاۋدا وڭتۇستىك- باتىستان سولتۇستىك- شىعىسقا ويىسا سوققان جەلدىڭ تۇندەگى ەكپىنى 15-20 م/س بولادى دەپ كۇتىلەدى.

الماتى وبلىسىنىڭ شىعىسىندا، ورتالىعىندا سولتۇستىك-شىعىستان جەل سوعادى، ەكپىنى - 15-20 م/س. تۇندە وبلىستىڭ شىعىسىندا، تاۋ ەتەگىندەگى اۋدانداردا توپىراق بەتى قاتىپ، 1-3 گرادۋس اياز بولادى، ۇسىك ءجۇرۋى ىقتيمال.

جەتىسۋ وبلىسىنىڭ تاۋلى اۋداندارىندا تۇندە جانە تاڭەرتەن تۇمان بولادى، تۇندە وبلىستىڭ سولتۇستىگى مەن ورتالىعىندا 1-3 گرادۋس اياز بولىپ، ۇسىك جۇرەدى دەپ كۇتىلەدى. تالدىقورعاندا تۇندە توپىراق بەتى قاتىپ، 2 گرادۋس اياز بولادى، ۇسىك ءجۇرۋى مۇمكىن.

كۇندىز قوستاناي وبلىسىنىڭ سولتۇستىگىندە، شىعىسىندا نايزاعاي وينايدى، قوستانايدا دا كۇندىز نايزاعاي بولادى دەپ كۇتىلەدى.

تۇندە شىعىس قازاقستان وبلىسىنىڭ سولتۇستىگىندە جاۋىن- شاشىن (جاڭبىر، قار)، كۇندىز وبلىستىڭ سولتۇستىگىندە، شىعىسىندا نايزاعاي ويناپ، بۇرشاق جاۋادى دەپ كۇتىلەدى. تۇندە وبلىستىڭ سولتۇستىگىندە، كۇندىز وبلىستىڭ باتىسىندا، سولتۇستىگىندە، شىعىسىندا وڭتۇستىك- شىعىستان، وڭتۇستىكتەن جەل سوعادى، ەكپىنى - 15-20 م/س، كەي تۇستا 25 م/س دەيىن جەتەدى. وسكەمەندە كۇندىز نايزاعاي ويناپ، وڭتۇستىك- شىعىستان، وڭتۇستىكتەن جەل سوعادى، ەكپىنى - 15-20 م/س.

كۇندىز اباي وبلىسىنىڭ سولتۇستىگىندە، ورتالىعىندا نايزاعاي ويناپ، بۇرشاق جاۋادى دەپ كۇتىلەدى. وبلىستىڭ باتىسىندا، سولتۇستىگىندە، ورتالىعىندا وڭتۇستىكتەن، وڭتۇستىك-باتىستان سوققان جەلدىڭ ەكپىنى 15-20 م/س، كەي تۇستا 23-28 م/س دەيىن جەتەدى. سەمەيدە كۇندىز نايزاعاي وينايدى، وڭتۇستىكتەن، وڭتۇستىك- باتىستان جەل سوعادى، ەكپىنى - 15-20 م/س.

كۇندىز پاۆلودار وبلىسىنىڭ وڭتۇستىگىندە، شىعىسىندا نايزاعاي وينايدى دەپ كۇتىلەدى. وبلىستىڭ وڭتۇستىگىندە، سولتۇستىگىندە سولتۇستىك- باتىستان جەل سوعادى، ەكپىنى - 15-20 م/س. پاۆلوداردا سولتۇستىك- باتىستان جەل سوعادى، كۇندىزگى ەكپىنى 15-20 م/س قۇرايدى.

كۇندىز اتىراۋ وبلىسىنىڭ باتىسىندا شىعىستان، وڭتۇستىك- شىعىستان جەل سوعادى، ەكپىنى - 15-20 م/س.

كۇندىز تۇركىستان وبلىسىنىڭ تاۋلى اۋداندارىندا نايزاعاي ويناپ، كۇندىز وبلىستىڭ تاۋلى اۋداندارىندا سولتۇستىك- شىعىستان جەل سوعادى، ەكپىنى - 15-20 م/س.

سولتۇستىك قازاقستان وبلىسىندا تۇندە جاڭبىر جاۋادى، كۇندىز وبلىستىڭ وڭتۇستىك-باتىسىندا نايزاعاي ويناپ، تۇندە وبلىستىڭ باتىسىندا، وڭتۇستىگىندە، شىعىسىندا سولتۇستىكتەن جەل سوعادى، ەكپىنى - 15-20 م/س.

كۇندىز ماڭعىستاۋ وبلىسىنىڭ باتىسىندا، ورتالىعىندا شاڭدى داۋىل تۇرادى دەپ كۇتىلەدى. كۇندىز وبلىستىڭ باتىسىندا، ورتالىعىندا وڭتۇستىك- شىعىستان سوققان جەلدىڭ ەكپىنى 15-20 م/س، كەي ۋاقىتتاردا 23 م/س دەيىن جەتەدى دەپ كۇتىلەدى. اقتاۋدا كۇندىز شاڭدى داۋىل تۇرىپ، وڭتۇستىك- شىعىستان جەل سوعادى، كۇندىزگى ەكپىنى - 15-20 م/س.

استانادا كۇندىز نايزاعاي ويناپ، وڭتۇستىك-باتىستان سولتۇستىك- شىعىسقا قاراي ويىسا سوققان جەلدىڭ كەي ۋاقىتتارداعى ەكپىنى 15-20 م/س قۇرايدى.

كۇندىز قىزىلوردا وبلىسىنىڭ وڭتۇستىگىندە شىعىستان، سولتۇستىك- شىعىستان جەل سوعادى، ەكپىنى - 15-20 م/س.

بۇعان دەيىن حابارلانعانداي، «قازگيدرومەت» سينوپتيكتەرى تۇركىستان وبلىسى مەن شىمكەنت قالاسىنىڭ الداعى جازعا ارنالعان ماۋسىمدىق بولجامىن ۇسىندى.