ونىڭ ايتۋىنشا، قازىر Qazaq Air ۇلەسىن ساتۋ بويىنشا مامىلە شارتتارىن انىقتاۋ بويىنشا نەگىزگى كەلىسسوزدەر اياقتالدى. بيىلعى 20 - جەلتوقسانىندا وتكەن ەكونوميكانى جاڭعىرتۋ جونىندەگى مەملەكەتتىك كوميسسيانىڭ وتىرىسىندا نەگىزگى شارتتار بەكىتىلدى.
- بۇل رەتتە، جىلدىڭ سوڭىنا دەيىن «سامۇرىق- قازىنا» قورىنىڭ ديرەكتورلار كەڭەسى مەن ۇكىمەتتىڭ وڭ شەشىمىن كۇتىپ وتىرمىز. ۆەتنامدىق ينۆەستورعا ەكى تالاپ قويىلىپ وتىر. اتاپ ايتقاندا، 2044 -جىلدىڭ سوڭىنا دەيىن 38,4 ميلليارد تەڭگە قارىزدىڭ وتەلۋىن، سونداي- اق بەس جىل ىشىندە Boeing نەمەسە Airbus شىعارعان 20 ۇشاقتى ساتىپ الۋدى قامتاماسىز ەتۋ. وسى تالاپتاردى ورىنداۋ ءۇشىن ۆەتنامدىق كومپانيا كەپىلدىك بەرۋگە دايىن، - دەدى ەلجاس وتىنشييەۆ پارلامەنت ماجىلىسىندە كولىك- لوگيستيكالىق الەۋەتتى دامىتۋ تاقىرىبىنا ارنالعان ۇكىمەت ساعاتىندا.
بيىل كۇزدە «سامۇرىق- قازىنا» ا ق دامۋ جانە جەكەشەلەندىرۋ جونىندەگى باسقارۋشى ديرەكتورى سالتانات ءساتجان ۆەتنامدىق كومپانيانىڭ Qazaq Air- ءدى ساتىپ الۋ ءراسىمى قاشان اياقتالاتىنىن ناقتىلادى.
ەسكە سالا كەتسەك، بىلتىر قازاقستان ۆەتنامنىڭ VietJet Air اۋە كومپانياسىمەن مەموراندۋم جاساعان ەدى.