ۆەتنام قازاقستانعا 1 ميلليارد دوللار قۇيۋدى جوسپارلاپ وتىر
استانا. KAZINFORM - «سامۇرىق-قازىنا» ا ق باسقارما ءتوراعاسى نۇرلان جاقىپوۆ مەملەكەت باسشىسىنىڭ SOVICO Group باسقارما ءتوراعاسى نگۋەن تحان حۋنگپەن وتكىزگەن كەزدەسۋدىڭ ناتيجەسى تۋرالى ايتىپ بەردى.
«مەملەكەت باسشىسىنىڭ سينگاپۋرگە جاساعان ءىس-ساپارى اياسىندا SOVICO Group كومپانياسى باسشىلىعىمەن كەزدەستىك. جەكەشەلەندىرۋ باعدارلاماسى شەڭبەرىندە مەملەكەتتىڭ ەكونوميكاداعى ۇلەسىن تومەندەتۋ ماقساتىندا ۆەتنامدىق كومپانياعا Qazaq Air اۆياكومپانياسىن ساتۋ تۋرالى كەلىسىمگە قول جەتكىزىلدى. وعان سايكەس، شەتەلدىك كومپانيا بەس جىل ىشىندە Boiеng نەمەسە Airbus ماركالى 20 ۇشاقتى قاتارعا قوسۋعا مىندەتتى. كوپ دەگەندە 50 ۇشاق ساتىپ الىنادى. سونداي-اق، ەلىمىزگە تارتىلاتىن ينۆەستيتسيا كولەمى 1 ميلليارد دوللارعا جەتەدى دەپ كۇتىلىپ وتىر»، - دەدى ول.
ايتا كەتەيىك، بۇعان دەيىن پرەزيدەنت SOVICO Group كومپانياسىنىڭ باسقارما ءتوراعاسى نگۋەن تحان حۋنگپەن كەزدەسكەنىن جازعانبىز.