ۆەتنام ءبىرقاتار قىلمىس ءۇشىن ءولىم جازاسىن الىپ تاستايدى
استانا. KAZINFORM - ۆەتنام كەلەسى ايدان باستاپ سەگىز قىلمىس، سونىڭ ىشىندە جىمقىرۋ جانە ۇكىمەتتى قۇلاتۋعا باعىتتالعان ارەكەتتەر ءۇشىن ءولىم جازاسىن الىپ تاستايدى، دەپ حابارلايدى Reuters.
- ەلدىڭ زاڭ شىعارۋشى ورگانى - ۇلتتىق اسسامبلەيا قىلمىستىق كودەكسكە قىلمىس ءۇشىن ءولىم جازاسىن الىپ تاستاۋ تۋرالى تۇزەتۋدى ءبىراۋىزدان ماقۇلدادى، - دەلىنگەن حابارلامادا.
ءولىم جازاسى قولدانىلمايتىن باسقا قىلمىستار قاتارىنا مەملەكەت مۇلكىن تالان-تاراجعا سالۋ، جالعان ءدارى-دارمەك جاساۋ، بەيبىتشىلىككە قاۋىپ ءتوندىرۋ، باسقىنشىلىق سوعىستار جۇرگىزۋ، تىڭشىلىق جانە ەسىرتكى ساۋداسى جاتادى.
بۇل قىلمىستار ءۇشىن ەڭ جوعارى جازا ەندى ءومىر بويىنا باس بوستاندىعىنان ايىرۋ بولادى. وسى قىلمىستارى ءۇشىن 1-شىلدەگە دەيىن ءولىم جازاسىنا كەسىلگەن، ءبىراق ءالى ورىندالماعانداردىڭ جازالارى ءومىر بويىنا باس بوستاندىعىنان ايىرۋ جازاسىنا اۋىستىرىلادى.
ۆەتنامدا ءولىم جازاسى تۋرالى دەرەكتەر مەملەكەتتىك قۇپيا بولىپ تابىلادى جانە قازىر ەلدە قانشا ادامنىڭ ءولىم جازاسىنا كەسىلگەنى بەلگىسىز. 2011 -جىلى اتىپ ءولتىرۋ جويىلدى، سودان بەرى ءولىم جازاسىنا كەسۋدىڭ جالعىز ءادىسى ولىمگە اكەلەتىن ينەكسيا بولدى.