تەمەكى تۇقىلىن جەرگە تاستاعانىڭىز ءۇشىن قانداي جازاعا تارتىلاتىنىڭىزدى بىلەسىز بە؟
قازاقستاندا جەرگە تاستالعان تەمەكى تۇقىلى ءۇشىن ايىپپۇل قاراستىرىلادى، - دەپ حابارلايدى اباي وبلىسى پوليتسيا دەپارتامەنتىنىڭ باسپا ءسوز قىزمەتى.
قازاقستاندىقتار مۇنداي ارەكەت ءۇشىن جاۋاپكەرشىلىك كوزدەلگەنىن ەسكەرە بەرمەيدى. ال اباي وبلىسىنداعى وسىنداي جايتتاردى سەمەي قالاسىنىڭ جەدەل باسقارۋ ورتالىعىنىڭ كامەرالارى انىقتايدى.
«تۇرعىندار تەمەكى شەگىپ، تۇقىلىن جەرگە تاستاعانى كامەرالارعا تۇسكەن. ۇساق بۇزاقىلىق جاساعانى ءۇشىن قۇقىقبۇزۋشىلار 5 ا ە ك مولشەرىندە ايىپپۇل تۇرىندە اكىمشىلىك جاۋاپكەرشىلىككە تارتىلدى. ۇساق بۇزاقىلىق - ازاماتتاردىڭ قوعامدىق ءتارتىبى مەن تىنىشتىعىنا قول سۇعاتىن اكىمشىلىك قۇقىقبۇزۋشىلىق. ۇساق بۇزاقىلىقتىڭ ەڭ كوپ تاراعان ءتۇرى - بالاعات سوزدەر، ادامداردى قورلاۋ، قوعامدىق ورىنداردىڭ لاستانۋى»، - دەپ جازىلعان پوليتسيا حابارلاماسىندا.