تۇمان، كوكتايعاق: 28-جەلتوقسانعا ارنالعان اۋا رايى بولجامى
08:10, 28 - جەلتوقسان 2023
اتلانتيكالىق سيكلوننىڭ جانە اتموسفەرالىق فرونتالدى بولىكتەردىڭ اسەرىنەن ەلىمىزدىڭ بارلىق اۋماعىندا اۋا رايى قۇبىلمالى بولادى، دەپ حابارلايدى Kazinform.
«قازگيدرومەت» ر م ك مالىمەتى بويىنشا، رەسپۋبليكا بويىنشا جاۋىن-شاشىن (قار، جاڭبىر) بولادى. وڭتۇستىك-شىعىستىڭ تاۋلى ايماقتارىندا قالىڭ قار جاۋادى. سولتۇستىك پەن سولتۇستىك- باتىستا قاتتى جاۋىن-شاشىن (جاڭبىر، قار)، تۇمان، كوكتايعاق، ەكپىندى جەل بولادى دەپ بولجانىپ وتىر. ەلىمىزدىڭ سولتۇستىك جارتىسىندا بۇرقاسىن بولادى.
تۇندە وڭتۇستىك-باتىستا، جامبىل وبلىسىنىڭ تاۋلى ايماقتارىندا ەكپىنى 30 م/س جانە ودان دا جوعارى جەل سوعادى.