تۇمان ءتۇسىپ، ۇسىك جۇرەدى: 24 -قىركۇيەككە ارنالعان اۋا رايى بولجامى

استانا. KAZINFORM - قازگيدرومەت 24 -قىركۇيەكتەگى اۋا رايى بولجامىن جاريالادى.

سينوپتيكتەردىڭ بولجامى بويىنشا، قوستاناي وبلىسىنىڭ سولتۇستىگىندە، باتىسىندا تۇمان تۇسەدى. سولتۇستىك-باتىستان جەل سوعادى، كۇندىز وبلىستىڭ سولتۇستىك-شىعىسىندا ەكپىنى 15-20 م/س. وبلىستىڭ وڭتۇستىگىندە جوعارى ءورت قاۋپى ساقتالادى.

الماتى وبلىسىنىڭ سولتۇستىگىندە، باتىسىندا توتەنشە ءورت قاۋپى بار.

جامبىل وبلىسىنىڭ تاۋلى اۋداندارىندا تۇمان تۇسەدى. 25-قىركۇيەكتە وبلىستىڭ سولتۇستىگىندە، وڭتۇستىگىندە، تاۋلى اۋداندارىندا نايزاعاي وينايدى. 24-25 -قىركۇيەكتە سولتۇستىك-باتىستان سوعاتىن جەل سولتۇستىك-شىعىس جەلىنە اۋىسادى، كۇندىز وبلىستىڭ وڭتۇستىك-باتىسىندا، سولتۇستىك-شىعىسىندا، تاۋلى اۋداندارىندا ەكپىنى 15-20 م/س بولادى. 24-25 -قىركۇيەكتە وبلىستىڭ باسىم بولىگىندە توتەنشە، وبلىستىڭ وڭتۇستىك-باتىسىندا، وڭتۇستىك-شىعىسىندا جوعارى ءورت قاۋپى ساقتالادى.

تۇركىستان وبلىسىندا سولتۇستىك-شىعىستان جەل سوعادى. كۇندىز وبلىستىڭ تاۋ اسۋلارىندا كۇشى 15-20 م/س. وبلىستىڭ باسىم بولىگىندە توتەنشە ءورت قاۋپى ساقتالادى.

شىمكەنتتە توتەنشە ءورت قاۋپى ساقتالادى.

قاراعاندى وبلىسىنىڭ سولتۇستىگىندە، شىعىسىندا تۇمان تۇسەدى. وبلىستىڭ باسىم بولىگىندە جوعارى ءورت قاۋپى، وبلىستىڭ شىعىسىندا، باتىسىندا توتەنشە ءورت قاۋپى بار.

ۇلىتاۋ وبلىسىنىڭ سولتۇستىگىندە تۇمان تۇسەدى. وبلىستىڭ باسىم بولىگىندە توتەنشە ءورت قاۋپى، وبلىستىڭ شىعىسىندا جوعارى ءورت قاۋپى ساقتالادى.

اتىراۋ وبلىسىنىڭ باتىسىندا، وڭتۇستىگىندە نايزاعاي وينايدى. سولتۇستىك-شىعىستان، شىعىستان جەل سوعادى، وبلىستىڭ باتىسىندا، وڭتۇستىگىندە، سولتۇستىگىندە ەكپىنى 15-20 م/س. وبلىستىڭ باسىم بولىگىندە توتەنشە ءورت قاۋپى بار.

ماڭعىستاۋ وبلىسىنىڭ باتىسىندا، سولتۇستىك- شىعىسىندا، ورتالىعىندا نايزاعاي وينايدى. وڭتۇستىك-شىعىستان سولتۇستىك- باتىسقا اۋىسپالى جەل سوعادى، وبلىستىڭ باتىسىندا، سولتۇستىك- شىعىسىندا، ورتالىعىندا 15-20 م/س بولادى. وبلىس بويىنشا توتەنشە ءورت قاۋپى ساقتالادى.

باتىس قازاقستان وبلىسىنىڭ سولتۇستىگىندە 2 گرادۋس ۇسىك جۇرەدى. جەل سولتۇستىك-شىعىستان، شىعىستان سوعادى، كۇندىز وبلىستىڭ باتىسىندا ەكپىنى 15-20 م/س. وبلىستىڭ سولتۇستىگىندە، سولتۇستىك- شىعىسىندا جوعارى ءورت قاۋپى ساقتالادى، وبلىستىڭ باسىم بولىگىندە توتەنشە ءورت قاۋپى بار.

اباي وبلىسىنىڭ وڭتۇستىگىندە توتەنشە ءورت قاۋپى ساقتالادى، وبلىستىڭ شىعىسىندا، ورتالىعىندا جوعارى ءورت قاۋپى بار.

شىعىس قازاقستان وبلىسىنىڭ باتىسىندا، وڭتۇستىگىندە، ورتالىعىندا جوعارى ءورت قاۋپى ساقتالادى.

سولتۇستىك قازاقستان وبلىسىندا باتىستان، سولتۇستىك- باتىستان جەل سوعادى، تۇندە وبلىستىڭ سولتۇستىگىندە، وڭتۇستىگىندە، شىعىسىندا ەكپىنى 15-20 م/س، كۇندىز كۇشى 15-20 م/س، وبلىستىڭ سولتۇستىگىندە، وڭتۇستىگىندە، شىعىسىندا ەكپىنى 23-28 م/س.

اقتوبە وبلىسىنىڭ باسىم بولىگىندە جوعارى، وڭتۇستىگىندە، باتىسىندا، ورتالىعىندا توتەنشە ءورت قاۋپى ساقتالادى.

قىزىلوردا وبلىسىنىڭ باسىم بولىگىندە توتەنشە ءورت قاۋپى، وبلىستىڭ سولتۇستىك-باتىسىندا جوعارى ءورت قاۋپى بار.

پاۆلودار وبلىسىنىڭ باتىسىندا، وڭتۇستىگىندە تۇمان تۇسەدى. باتىستان جەل سوعادى، كۇندىز سولتۇستىگىندە، شىعىسىندا كۇشى 15-20 م/س.