تۇمان ءتۇسىپ، جەل كۇشەيەدى: 25-قازانعا ارنالعان اۋا رايى بولجامى
09:28, 25 - قازان 2023
25-قازاندا ەلىمىزدىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى قۇبىلمالى اۋا رايى ساقتالادى.
كوپ وڭىردە جاۋىن- شاشىن (جاڭبىر، قار)، سولتۇستىك- باتىستا جانە سولتۇستىكتە كوكتايعاق بولادى، دەپ حابارلايدى Kazinform.
قازگيدرومەت سينوپتيكتەرىنىڭ مالىمەتىنشە، تەك ەلىمىزدىڭ وڭتۇستىگىندە، وڭتۇستىك- شىعىسىندا جانە شىعىسىندا انتيتسيكلون اسەرىنەن اۋا رايى جاۋىن- شاشىنسىز بولادى.
رەسپۋبليكا بويىنشا تۇمان ءتۇسىپ، جەل كۇشەيەدى.
تۇندە جەتىسۋ وبلىسىنىڭ ورتالىعىندا، جامبىل وبلىسىنىڭ تاۋلى ايماقتارىندا ءۇش گرادۋسقا دەيىن، الماتى وبلىسىنىڭ سولتۇستىگىندە 1 گرادۋسقا دەيىن ۇسىك جۇرەدى.