تۇماۋ جۇقتىرىپ الماس ءۇشىن نە ىستەۋ كەرەك؟ دارىگەر كەڭەسى

الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى كاسىمحان الپىسباي ۇلى وڭىرلىك كوممۋنيكاتسيالار قىزمەتى ۇيىمداستىرعان ونلاين- بريفينگتە قالاداعى ج ر ۆ ي جانە تۇماۋ اۋرۋلارى بويىنشا جاعدايدى اتادى جانە تۇماۋعا قارسى قانداي پروفيلاكتيكالىق شارالار ساقتاۋ كەرەگىن ۇسىندى.

ماماننىڭ ايتۋىنشا، 2024 -جىلدىڭ ەپيدەميولوگيالىق ماۋسىمى باستالعالى الماتى قالاسىندا ج ر ۆ ي جانە تۇماۋ اۋرۋلارى بويىنشا جاعداي تۇراقتى. 2024 -جىلدىڭ 43 اپتاسىنا دەيىن قالادا ج ر ۆ ي- ءدىڭ 12413 جاعدايى تىركەلدى، بۇل وتكەن اپتاعا قاراعاندا ,5 عا جانە وتكەن جىلمەن سالىستىرعاندا @,1 پايىزعا تومەن. اۋرۋدىڭ X,7 ىن بالالار قۇرايدى.

"جاڭا ەپيدەميولوگيالىق ماۋسىمنىڭ 40-اپتاسىنان 43-اپتاسىنا دەيىنگى ارالىقتا ج ر ۆ ي- ءدىڭ 64145 جاعدايى تىركەلدى، بۇل وتكەن جىلمەن سالىستىرعاندا 9,6 عا از. قالالىق زەرتحانالىق مونيتورينگ بارىسىندا تۇماۋ ۆيرۋسى انىقتالماعانىمەن، رينوۆيرۋس، پاراگريپپ، ادەنوۆيرۋس جانە ماۋسىمدىق كوروناۆيرۋس سياقتى باسقا جرۆي ۆيرۋستارى تىركەلدى"، - دەدى ول.

قالا ەپيدەميولوگيالىق ماۋسىمعا دايىن با؟

دەپارتامەنت باسشىسى 2024-2025 -جىلدارداعى ەپيدەميولوگيالىق ماۋسىمعا دايىندىق ماقساتىندا كەشەندى شارالار اتقارىلعانىن ايتتى:

مەديتسينالىق ۇيىمداردا جرۆي جانە تۇماۋ جاعدايلارىنا جەدەل قىزمەت كورسەتۋ ءۇشىن 121 بايلانىس تەلەفونى جانە 102 اۆتوكولىك ءبولىندى؛

جرۆي جانە تۇماۋعا شالدىققان ناۋقاستاردى جاتقىزۋ ءۇشىن 453 توسەك دايىندالىپ، قوسىمشا 90 توسەك ورىن ازىرلەندى؛

تۇماۋعا قارسى پرەپاراتتاردىڭ (تاميفليۋ - 15 423 قاپتاما، رەلەنزا - 213 قاپتاما، وكسولين جاقپامايى - 4868 تۇتىك) جەتكىلىكتى قورى قامتاماسىز ەتىلگەن، سونداي- اق ماسكالار مەن دەزينفەكتسيالىق قۇرالدار بار.

2024 -جىلى جەرگىلىكتى بيۋدجەت قاراجاتىنا "قاۋىپ توبىنداعى" ادامداردى ۆاكتسيناتسيالاۋ ءۇشىن 200000 دوزا مولشەرىندە رەسەيلىك "گريپپول پليۋس" ءۇش ۆالەنتتى تۇماۋعا قارسى ۆاكسيناسى ساتىپ الىندى.

تۇماۋدان قالاي قورعانامىز؟

تۇماۋ - تەمپەراتۋرانىڭ كۇرت جوعارىلاۋىمەن، السىزدىكپەن، قالتىراۋمەن، باس اۋرۋىمەن، دەنەدە بۇلشىقەت اۋرۋىمەن سيپاتتالاتىن اۋرۋ. ينفەكتسيا كوزى - اۋرۋعا شالدىققان ادام، اسىرەسە اۋرۋعا جاڭا شالدىققان ناۋقاستان العاشقى 1-2 كۇنىندە اۋرۋ جۇقتىرۋ قاۋپى وتە جوعارى.

تۇماۋ ءارتۇرلى اسقىنۋلارمەن بىرگە جۇرەدى: پنيەۆمونيا، برونحيت، جۇرەك-قان تامىرلارى، جۇيكە جۇيەسىنىڭ اسقىنۋى، سوزىلمالى اۋرۋلاردىڭ ءورشۋى. سوندىقتان العاشقى بەلگىلەر پايدا بولعان كەزدە ءوزىن-ءوزى ەمدەمەي، دارىگەرگە جۇگىنىپ، نۇسقاۋلار بويىنشا ەمدەلۋدى باستاۋ ماڭىزدى.

دەپارتامەنت باسشىسى كاسىمحان الپىسباي ۇلىنىڭ ايتۋىنشا، اۋرۋعا شالدىعۋ قاۋپى جوعارى كەزدە قالا تۇرعىندارى ج ر ۆ ي جانە تۇماۋعا قارسى مىنا پروفيلاكتيكالىق شارالاردى ۇستانۋى ءتيىس:

ج ر ۆ ي- عا شالدىققان ناۋقاستارمەن قارىم-قاتىناستى شەكتەۋ، قاجەت بولسا ماسكا تاعۋ؛

اۋرۋعا شالدىققان جاعدايدا ۇيدە بولۋ، ءوزىن-ءوزى ەمدەۋمەن اينالىسپاۋ، دارىگەرگە جۇگىنۋ؛

تۇشكىرۋ جانە جوتەلۋ كەزىندە اۋىزدى مايلىقپەن نەمەسە ورامالمەن جابۋ، قولدى ءجيى جۋۋ، ءۇي-جايلاردى جەلدەتىپ، ىلعالدى تازالاۋ جۇرگىزۋ؛

يممۋندىق جۇيەنى نىعايتۋ ءۇشىن دارىگەردىڭ كەڭەسى بويىنشا c دارۋمەنى مەن باسقا دا ۆيتاميندەردى قولدانۋ؛

ادامدار كوپ جينالاتىن جەرلەرگە بارۋدان، بۇقارالىق ءىس- شارالارعا قاتىسۋدان باس تارتۋ، ماۋسىمعا سايكەس كيىنۋ؛

سىرقات بالالاردى مەكتەپتەرگە جانە مەكتەپكە دەيىنگى مەكەمەلەرگە جىبەرمەۋ.

وسى قاراپايىم شارالاردى ساقتاۋ سىزدەردى ج ر ۆ ي جانە تۇماۋ اۋرۋلارىنان قورعاۋعا كومەكتەسەدى.

Massaget.kz