تۇلەكتەر ءجيى تاڭدايتىن ماماندىق - دەنە شىنىقتىرۋ جانە شەت ءتىلى مۇعالىمى

استانا. KAZINFORM - ەلىمىزدە جوعارى وقۋ ورنىندا ءبىلىم الۋ ءۇشىن 112 مىڭ گرانت، سونىڭ ىشىندە باكالاۆرياتقا 79 مىڭعا جۋىق گرانت ءبولىندى (بىلتىرعى جىلمەن سالىستىرعاندا 5 مىڭعا كوپ). بۇل جايىندا قوعامدىق ساياسات ينستيتۋتىنىڭ شولۋىندا ايتىلادى.

ءبىلىم گرانتىن تاعايىنداۋ كونكۋرسىنا قۇجات 24-شىلدەگە دەيىن قابىلداندى. بيىل 186 مىڭ تۇلەك مەكتەپ بىتىرگەن بولسا، وقۋ گرانتىنا 103 مىڭعا جۋىق ءوتىنىش ءتۇستى. بۇل وتكەن جىلمەن سالىستارعاندا 9 مىڭعا ارتىق.

قۇجات قابىلداۋدىڭ ارالىق قورىتىندىسى بويىنشا ءوتىنىش سانى كوپ تۇسكەن توپ-15 ءبىلىم باعدارلاماسى:

اقپاراتتىق تەحنولوگيالار - 11752؛

دەنەشىنىقتىرۋ مۇعالىمدەرىن دايارلاۋ - 5463؛

شەت ءتىلى مۇعالىمدەرىن دايارلاۋ - 4707؛

مەديتسينا - 4023؛

قالا قۇرىلىسى، قۇرىلىس جۇمىستارى جانە ازاماتتىق قۇرىلىس - 2705؛

ساۋلەت - 2528؛

ەلەكتر تەحنيكاسى جانە ەنەرگەتيكا - 2406؛

قازاق ءتىلى مەن ادەبيەتى مۇعالىمدەرىن دايارلاۋ - 2377؛

پسيحولوگيا - 2351؛

بيولوگيالىق جانە ساباقتاس عىلىمدار - 2292؛

اۋدارما ءىسى - 2151؛

مەنەدجمەنت جانە باسقارۋ - 2084؛

ەلەكتر تەحنيكاسى جانە اۆتوماتتاندىرۋ - 1874؛

تۋريزم - 1718؛

قۇقىق - 1697.

دەنە شىنىقتىرۋ جانە شەت ءتىلى مۇعالىمى - ەڭ سۇرانىسقا يە ماماندىقتىڭ ءبىرى بولىپ قالا بەرمەك.

بىلتىر دەنە شىنىقتىرۋ مۇعالىمدەرىن دايارلاۋعا – 5377، شەت ءتىلى مۇعالىمدەرىن دايارلاۋ باعدارلاماسىنا - 3862 ءوتىنىش تۇسكەن.

جالپى كونكۋرس ناتيجەسى 10-تامىزعا دەيىن جاريالانادى.

2024 -جىلى العاش رەت سارالانعان گرانتتار ەنگىزىلدى. ياعني، ۇبت ناتيجەسى بويىنشا جوعارى كورسەتكىش كورسەتىپ، الايدا گرانتقا ىلىنبەگەن تالاپكەردىڭ وقۋ اقىسىنىڭ P مەملەكەت بيۋدجەتىنەن تولەنىپ، تولىق ستيپەنديا الۋ مۇمكىندىگى دە بار.

«پەداگوگيكالىق عىلىمدار» جانە «الەۋمەتتىك عىلىمدار، جۋرناليستيكا جانە اقپارات» وقۋ باعدارلامالارى بويىنشا 300 سارالانعان گرانت ءبولىندى.

مەملەكەتتىك گرانتتان بولەك ءار ءوڭىر جوعارى ءبىلىمدى قولجەتىمدى ەتۋ جانە ەڭبەك نارىعىنا قاجەتتى بىلىكتى ماماندى دايارلاۋ ماقساتىندا جەرگىلىكتى بيۋدجەت ەسەبىنەن «اكىم گرانتتارىن» دا بولەدى.

«سەرپىن» باعدارلاماسى دا گرانتپەن ءبىلىم الۋعا مۇمكىندىك بەرەدى. باعدارلاما تەك اۋىل تۇلەكتەرىنە ارنالعان، بيىل 3903 گرانت ءبولىندى.

«قازاقستان حالقىنا» قوعامدىق قورى باكالاۆريات باعدارلاماسى بويىنشا تالاپكەرلەرگە 850 گرانت ءبولدى.

سونىمەن قاتار، اسكەري بورىشىن وتەگەن ازاماتتار دا گرانت نەگىزىندە ەلىمىزدىڭ 42 ج و و ءبىلىم الا الادى.

تالاپكەرلەر گرانتقا تۇسپەگەن جاعدايدا اقىلى وقۋعا مۇمكىندىك بار.

ق ر عىلىم جانە جوعارى ءبىلىم مينيسترلىگىنىڭ مالىمەتىنشە قازاقستاندا 120 ج و و بار.

ۇلتتىق ۋنيۆەرسيتەتتەردە، ماسەلەن، «پەداگوگيكا» ماماندىعى بويىنشا 1 جىلدىق وقۋ اقىسى 1 ميلليون تەڭگەدەن اسادى، ال وڭىرلىك ج و و ءدال وسى ماماندىقتى 500-600 مىڭ ت گ دەيىن وقۋعا بولادى.

جوعارى ءبىلىم مەن عىلىمدى دامىتۋدىڭ 2023-2029 -جىلدارعا ارنالعان تۇجىرىمداماسىن ىسكە اسىرۋ شەڭبەرىندە شەتەلدىك ج و و فيليالدارىن اشىلۋدا. قازىرگى تاڭدا ەلىمىزدە 15 شەتەلدىك ج و و فيليالى ىسكە قوسىلدى.

سونىمەن قاتار، ق ر عىلىم جانە جوعارى ءبىلىم ءمينيسترى س. نۇربەك 2024 -جىلعى 24-شىلدەدە وتكەن ونلاين- بريفينگتە جوعارى ءبىلىمدى قولجەتىمدى قىلۋ ءۇشىن پايىزسىز نەسيە بەرۋ جوسپارلانعانىن جەتكىزدى.

اۆتور

جانات قاپالبايەۆا