تەلەفوندى باس جاققا قويىپ ۇيىقتاۋ قانشالىقتى قاۋىپتى؟

تەلەفوندى ءتۇن ورتاسىنا دەيىن قاراپ، ءتىپتى تاڭ اتىراتىندار كوپ. ونىڭ ادام دەنساۋلىعىنا كەرى اسەرى، كوز جانارىنا زيانى ءبىر بولەك. ومىرىڭىزگە قاۋىپ ءتوندىرۋى ىقتيمال. ويتكەنى سمارتفوندى قۋاتتاپ باس جاققا قوياتىن جانداردا تابىلادى. Ozgeris.info تىلشىلەرى تاقىرىپتى زەرتتەپ كوردى.

نەگىزى تەلەفوندى قۋاتتاپ ۇيىقتاۋ قاتتى قاۋىپتى ەمەس. ويتكەنى، زاماناۋي سمارتفوندار مەن ولاردىڭ قۋاتتاعىشتارى ارتىق قىسىم مەن جانىپ كەتۋدەن ساقتايتىن فۋنكتسياعا يە. سوندىقتان ءورت شىعۋ قاۋىپى جوق دەسەك بولادى.

ادامدار جاسايتىن ەڭ باستى قاتەلىك - تەلەفوندى جاستىقتىڭ نەمەسە جامىلعىنىڭ استىنا، دەنەسىنە جاقىن جەرگە قويۋ. بۇل جىلۋدى تاراتۋعا كەدەرگى جاساپ، ساپاسىز ارزان دۇنيەلەردى قولدانعاندا قىزىپ، ورتەنۋ ءقاۋىپىن ارتتىرادى. كەيدە كابەلدى ءۇزىپ تاستاۋىڭىز مۇمكىن. تىپتەن مۇنىڭ سوڭى قىسقا تۇيىقتالۋعا اكەپ سوقتىرادى.

قاۋىپ-قاتەردى ازايتۋ ءۇشىن قاراپايىم ەرەجەلەردى ساقتاڭىز:

تەلەفوندى ۇستەل سەكىلدى قاتتى، ءارى اشىق زاتتىڭ ۇستىنە قويىپ قۋاتتاڭىز؛
جاستىق پەن كورپەنىڭ استىنا نەمەسە جانىندا قالدىرماڭىز؛
تەك ساپالى، سەرتيفيكاتتالعان زاريادتاعىشتار قولدانىڭىز؛
كابەلدى ءۇزىپ الماۋ ءۇشىن ۇيىقتايتىن جەرىڭىزدەن الىس ۇستاڭىز؛
ەگەر اككۋمۋلياتور ءىسىنىپ، قىزا باستاسا تەلەفون كۇدىك تۋدىرسا - زاريادتاۋدى توقتاتىپ، مامانعا كورسەتىڭىز.
ال ءسىز ۇيىقتاعاندا تەلەفونىڭىزدى قايدا قوياسىز؟