«تۇلپار كۇنى» ۇلتتىق مەرەكەسىن بەلگىلەۋ ماسەلەسى پىسىقتالادى - ۇكىمەت باسشىسى

استانا. KAZINFORM - «تۇلپار كۇنى» ارنايى ۇلتتىق مەرەكەسىن بەلگىلەۋ ماسەلەسى قوسىمشا پىسىقتالادى. بۇل تۋرالى ءماجىلىس دەپۋتاتتارىنىڭ ساۋالىنا پرەمەر-مينيستر ولجاس بەكتەنوۆتىڭ جاۋابىندا ايتىلعان.

- «تۇلپار كۇنى» ارنايى مەرەكەسىن بەكىتۋگە كەلەتىن بولساق، ءتيىستى نورماتيۆكە ماۋسىم ايىنىڭ ەكىنشى جەكسەنبىسى كاسىبي مەرەكە - مالشىلار كۇنى رەتىندە بەلگىلەنگەنىن حابارلايمىز. اتالعان مەرەكە جىلقى شارۋاشىلىعى سالاسىنىڭ ماماندارىن قوسا العاندا، مال شارۋاشىلىعى سالاسىنىڭ بارلىق قىزمەتكەرىن قامتيدى. بيىل وسى مەرەكە اياسىندا سالانىڭ شامامەن 200 قىزمەتكەرى، ونىڭ ىشىندە جىلقى شارۋاشىلىعىنىڭ 30 مامانى ماراپاتتالدى.

سونىمەن قاتار، بىرىككەن ۇلتتار ۇيىمى باس اسسامبلەياسىنىڭ شەشىمىنە سايكەس، 11- شىلدە كۇنى ۇيىمعا مۇشە مەملەكەتتەردە دۇنيەجۇزىلىك جىلقى كۇنى اتاپ وتىلەدى. وسىعان بايلانىستى «تۇلپار كۇنى» ارنايى ۇلتتىق مەرەكەسىن بەلگىلەۋ ماسەلەسى قوسىمشا پىسىقتالاتىن بولادى، - دەدى ولجاس بەكتەنوۆ.

بۇعان دەيىن جىلقى ەتى الەۋمەتتىك ماڭىزى بار تاۋارلار تىزبەسىنە كىرۋى مۇمكىن ەكەنىن جازعان ەدىك.

اۆتور

مارلان جيەمباي