تەل-اۆيۆتەگى ەۋرووداق دەلەگاتسياسى ورنالاسقان اۋدانعا زىمىران قۇلادى
استانا. قازاقپارات - Kazinform اگەنتتىگىنىڭ مەنشىكتى ءتىلشىسى حابارلاعانداي، ەۋروپالىق بۇقارالىق اقپارات قۇرالدارىنىڭ بىرنەشە دەرەككوزى تەل-اۆيۆتە ورنالاسقان ەۋروپالىق وداق دەلەگاتسياسى ورنالاسقان اۋدانعا زىمىران تۇسكەنىن مالىمدەدى.
ەۋروپالىق ديپلوماتيالىق ميسسيا قىزمەتكەرلەرى امان قالعانى حابارلاندى.
- بۇگىن ە و قىزمەتكەرلەرىنىڭ ەشقايسىسى زارداپ شەكپەگەنىمەن، يران تاراپىنان جاسالعان شابۋىلدار سالدارىنان ەۋرووداقتىڭ ديپلوماتيالىق عيماراتتارىنىڭ زاقىمدانۋىنا الاڭداۋشىلىق بىلدىرەمىز. ازاماتتىق اۋداندار، سونداي-اق شەتەلدىك ديپلوماتيالىق قىزمەتكەرلەر مەن ميسسيالار قانداي جاعداي بولماسىن شابۋىل نىسانىنا اينالماۋى ءتيىس، - دەدى ەۋروكوميسسيا وكىلى.
ايتا كەتەيىك، يزرايل مەن يران اراسىنداعى اسكەري قاقتىعىستاردىڭ جەتىنشى كۇنى ءوزارا شابۋىلدارمەن جالعاسۋدا. اتاپ ايتقاندا، يزرايلدەگى اۋرۋحانا مەن يراننىڭ اراك قالاسىنداعى اۋىرسۋلى رەاكتورعا سوققى بەرىلگەنى جونىندە حابارلاندى. بۇل وقيعالار اياسىندا ا ق ش- تىڭ سوعىسقا ارالاسۋى مۇمكىن دەگەن قاۋىپتەر ايتىلىپ، ەكى ەلدەن دە ديپلوماتتار مەن شەتەلدىك ازاماتتار ەۆاكۋاتسيالانىپ جاتىر.
ەسكە سالايىق، ق ر سىرتقى ىستەر مينيسترلىگى يران مەن يزرايلدە جۇرگەن ازاماتتارىنا ەسكەرتۋ جاسادى.