تەكتىدەن تەكتى تۋادى

استانا. قازاقپارات - امەريكاندىق عالىمدار ءبىر كەزدە ماسكۇنەم، ءارى كوشە قاڭعىباسى بولعان ماكس جەك دەگەن ادامنىڭ ۇرپاعى سانالاتىن 840 ادامدى زەرتتەپتى.

ولاردىڭ ىشىنەن 100 جىل ىشىندە 63 قاراقشى، 50 جەزوكشە، ادام ءولتىرۋشى -7، 300 قايىرشى، مەزگىلسىز ولىممەن ولگەن- 200 ادام وربىسە جانە تۋا ءبىتتى ەسۋاس-200 ادام بولعان. ولاردىڭ ىشىندە 20-سى عانا قاراپايىم ءومىر ءسۇرىپتى.

ال، امەريكاندىق قوعام بەلسەندىسى، تانىمال اعارتۋشى جوناتان ەدۆارد- تىڭ وتباسىنان تاراعان ۇرپاقتى زەرتتەگەندە، 100 جىلدىڭ ىشىندە 1394 ادامنان- 13 ادام جوعارى وقۋ ورىندارىنىڭ رەكتورى، 100 پاستور، 75 اسكەري گەنەرال، 60 اقىن، جازۋشى، جۋرناليست، مەملەكەت قىزمەتشىسى، 180 زاڭگەر، 80 ەليتا مۇشەلەرى، 3 سەناتور جانە 1 ا ق ش پرەزيدەنت تۋىپتى.

ءبىر عانا بالانىڭ ناشار تاربيەسى كەلەسى ۇرپاققا قالاي اسەر ەتەتىنى تۋرالى جوعارىداعى ساندار تۇسىنىك بەرەدى.

سەن بالاڭدى قالاي تاربيەلەسەڭ ول سونداي ادام بولادى...

«تەكتىدەن تەكتى تۋادى، تەكتىلىك تۇقىم قۋادى» دەپ جاتامىز. حالقىمىز ءار نارسەنىڭ «ارعى تەگىن»، «شىققان تەگىن» بىلۋگە قاشاندا ۇلكەن ءمان بەرگەن. تەك - ادامنىڭ ءتۇپ ءناسىلىن، ارعى اتاسىن بىلدىرەتىن تاريحي ۇعىم. حالقىمىزدا «تەگى مىقتى»، «تەگى تازا»، «تەگىنە تارتقان» دەگەن سوزدەر ۇعىمدار بار. «ۇيادان نە كورسەڭ، ۇشقاندا سونى ىلەرسىڭ»، - دەگەن قازاق ماقالى وسى تەك، ۇرپاق ءوربىتۋ، ونىڭ باۋلۋ مەن تاربيەگە بايلانىستى تۋعانى حاق.