قايعىلى وقيعا 3-قاراشادا بولدى. پوليتسيانىڭ حابارلاۋىنشا، دوڭگەلەكتى ەكسكاۆاتوردىڭ جۇرگىزۋشىسى جول قيىلىسىنان ءوتۋ كەزىندە كامەلەتكە تولماعان بالانى قاعىپ كەتكەن. العان جاراقاتتارى سالدارىنان قىز بالا كوز جۇمدى.
تەكەلى قالاسىندا بولعان جول-كولىك وقيعاسى بويىنشا قىلمىستىق ءىس قوزعالدى. الدىن الا مالىمەتتەر بويىنشا، Volvo ماركالى دوڭگەلەكتى ەكسكاۆاتوردىڭ جۇرگىزۋشىسى جول قيىلىسىنان ءوتۋ كەزىندە جولدان جاياۋ جۇرگىنشىلەر وتكەلى ارقىلى ءوتىپ بارا جاتقان كامەلەتكە تولماعان بالانى قاعىپ كەتكەن. العان جاراقاتتارى سالدارىنان كامەلەتكە تولماعان بالا كوز جۇمدى. كىنالى جۇرگىزۋشى ۇستالىپ، ۋاقىتشا ۇستاۋ يزولياتورىنا قامالدى، - دەدى جەتىسۋ وبلىسىنىڭ پ د باسپا ءسوز قىزمەتى.
قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر.
تەرگەۋ بارىسى پوليتسيا دەپارتامەنتى باسشىلىعىنىڭ باقىلاۋىندا.
پوليتسيا جۇرگىزۋشىلەردى جاياۋ جۇرگىنشىلەر وتكەلدەرىنە جاقىنداعان كەزدە اسا مۇقيات بولۋعا، باعدارشام سيگنالدارىن قاتاڭ ساقتاۋعا جانە جولداعى جاۋاپكەرشىلىك پەن ساقتىققا ادام ءومىرى تاۋەلدى ەكەنىن ەستە ۇستاۋعا شاقىرادى.