كەزدەسۋ بارىسىندا مينيستر قوناقتاردى ۆەدومستۆونىڭ قىزمەتىمەن قىسقاشا تانىستىرا كەتىپ، بۇگىندە TikTok جاستار اۋديتورياسى عانا ەمەس؛ جالپى، ينتەرنەت كەڭىستىگىندەگى ەڭ ءىرى الەۋمەتتىك پلاتفورمالاردىڭ بىرىنە اينالعانىن اتاپ ءوتتى.
قازىرگى ۋاقىتتا TikTok قولدانۋشىلاردى قامتۋ اۋقىمى جاعىنان Instagram جانە Facebook الەۋمەتتىك جەلىلەرىمەن قاتار تۇراتىن تانىمال پلاتفورما.
اسقار وماروۆ قازىرگى تاڭدا قازاقستاندا تيكتوك- حاۋستار بولىپ بىرىككەن تانىمال وتاندىق بلوگەرلەردىڭ بەلسەندىلىگى ارتىپ كەلە جاتقانىن اتاپ ءوتتى. ءوز كەزەگىندە سەرگەي سوكولوۆ TikTok پلاتفورماسىن بۇكىل الەم بويىنشا 2 ميللياردتان استام ادام قولداناتىنىن، ونىڭ ىشىندە قازاقستاندا TikTok-تىڭ 7 ميلليون نان استام پايدالانۋشىسى بار ەكەنىن اتاپ ءوتتى.
پايدا بولعاننان بەرى، 4 جىلدىڭ ىشىندە TikTok ءوز قولدانۋشىلارىنا ويىن- ساۋىق كونتەنتتەن، پايدالى ءارى مازمۇندى كونتەنت ۇسىنا باستاعان. سونىمەن قاتار ول تانىمدىق كونتەنتتى كۇشەيتۋ تۋرالى ۇسىنىستى قولداي وتىرىپ، قازاقستاندا تاريح، تۋريزم، مادەنيەت، ءبىلىم جانە عىلىم، تەاترلار مەن مۇراجايلار تۋرالى مازمۇندى كونتەنت قالىپتاستىراتىن جاڭا بىرلەسكەن جوبالاردى ىسكە اسىرۋدى ۇسىندى.
بۇدان بولەك، اتالمىش كەزدەسۋگە ق ر پارلامەنتى ءماجىلىسىنىڭ دەپۋتاتى دينارا زاكيەۆا دا قاتىستى. ءوز تاراپىنان ول بالالار مەن جاستاردىڭ مادەني، قۇقىقتىق جانە سيفرلىق ساۋاتتىلىعى سالاسىنداعى بىرلەسكەن جوبالاردى ىسكە اسىرۋدىڭ ماڭىزدىلىعىن اتاپ ءوتتى. شارا قورىتىندىسى بويىنشا تاراپتار ءوزارا تىعىز قارىم- قاتىناس پەن ىنتىماقتاستىقتى نىعايتۋعا نيەت ءبىلدىردى.