استانا. KAZINFORM - پوليتسيا قىزمەتكەرلەرى TikTok الەۋمەتتىك جەلىسىندەگى تىكەلەي ەفير بارىسىندا بىرنەشە رەت بالاعات سوزدەر ايتقان قىزىلوردا وبلىسى سىرداريا اۋدانىنىڭ 36 جاستاعى تۇرعىنى قۋانىش ولجابايەۆتى انىقتادى، دەپ حابارلايدى Polisia.kz.
قۇقىق بۇزۋشىلىق جاساعان كەزدە ول الكوگولدىك ماساڭ كۇيدە بولعان.
سوت شەشىمىمەن قۋانىش ولجابايەۆ ۇساق بۇزاقىلىق جاساعانى ءۇشىن اكىمشىلىك جاۋاپكەرشىلىككە تارتىلدى. وعان 60 ساعات قوعامدىق جۇمىسقا تارتۋ جازاسى تاعايىندالدى.
قازىرگى ۋاقىتتا ەر ادام سوت تاعايىنداعان جازاسىن وتەپ جاتىر. ول كوشەلەردى سىپىرىپ، اۋماقتى ارامشوپتەردەن تازارتىپ، باسقا دا قوعامعا پايدالى جۇمىستار جاساپ ءجۇر.
- ينتەرنەت - زاڭسىزدىققا جول بەرەتىن كەڭىستىك ەمەس. تىكەلەي ەفير جاۋاپكەرشىلىكتەن بوساتپايدى. قۇقىققا قايشى ارەكەت قاي جەردە جاسالسا دا، كوشەدە نەمەسە الەۋمەتتىك جەلىدە - زاڭ الدىندا جاۋاپكەرشىلىككە اكەپ سوعادى، - دەلىنگەن حابارلامادا.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан