The Beatles توبىنىڭ مۇشەسى دجون لەننوننىڭ گيتاراسى اۋكسيوندا رەكوردتىق باعاعا ساتىلدى
ۇلى بريتانيالىق تانىمال The Beatles توبىنىڭ مۇشەسى، مۋزىكانت، كومپوزيتور دجون لەننوننىڭ 50 جىلدان كەيىن شاتىردان تابىلعان ايگىلى گيتاراسى اۋكسيوندا رەكوردتىق باعاعا ساتىلدى. بۇل تۋرالى Euronews جازدى.
نيۋ- يوركتەگى Hard Rock كافەسىندەگى اۋكسيوننىڭ ءبىرىنشى كۇنىندە 12 ىشەكتى اكۋستيكالىق گيتارا رەكوردتىق 2,9 ميلليون دوللارعا (2,68 ميلليون ەۋرو) باعالاندى. وسىلايشا ول اۋكسيوندا ساتىلعان The Beatles كۆارتەتىنىڭ ەڭ قىمبات گيتاراسىنا اينالدى.
ايتا كەتەيىك، مۋزىكالىق اسپاپ كەزدەيسوق 90 جاستاعى ەر ادامنىڭ شاتىرىنان تابىلعان. كەيىن ونىڭ Beatles مۇشەلەرىمەن دوستىق قارىم-قاتىناس ورناتقانى، الپىسىنشى جىلدارى «پيتەر مەن گوردون» پوپ-دۋەتىنىڭ مەنەدجەرى بولعانى انىقتالدى. دۋەت مۇشەلەرىنىڭ ءبىرى گوردون ۋوللەر گيتارانى 1965 -جىلى لەننوننان الىپ، كوپ وتپەي مەنەدجەرىنە سىيعا تارتقان.