Telegram وڭتۇستىك كورەيا ەلىنەن كەشىرىم سۇرادى
استانا. قازاقپارات - Telegram وڭتۇستىك كورەيا ەلىنەن پورنوگرافيالىق ماتەريالداردىڭ تارالۋىنا توسقاۋىل قويماعانى ءۇشىن كەشىرىم سۇرادى.
«Telegram وڭتۇستىك كورەياداعى تەرگەۋ اياسىندا ءوز پلاتفورماسىندا پورنوگرافيالىق ماتەريالداردىڭ تارالۋىن توقتاتا الماعانى ءۇشىن كەشىرىم سۇرادى. بۇل وڭتۇستىك كورەيا پوليتسياسى Telegram عا سيفرلانعان حابار الماسۋ پلاتفورماسىندا جاساندى ينتەللەكت ارقىلى جاسالعان جاس وسپىرىمدەردىڭ اشىق سۋرەتتەرىمەن قوسا ديپفەيك دەپ اتالاتىن پورنونىڭ تارالۋىنا «كومەكتەستى» دەپ تاعىلعان ايىپپەن بايلانىستى»، - دەلىنگەن حابارلامادا.
بۇعان دەيىن وڭتۇستىك كورەيا Telegram عا قارسى تەرگەۋ جۇرگىزىپ جاتقانى تۋرالى حابارلاعان ەدىك.
ديپفەيك-پورنو جاساندى ينتەللەكت تەحنولوگياسىن قولدانا وتىرىپ، ادامداردىڭ بەت-الپەتى باسقا پورنوگرافيالىق سۋرەتتەرگە نەمەسە بەينەلەرگە سيفرلىق تۇردە ورنالاستىرىلاتىن اشىق مازمۇندى قامتيدى.
ەسكە سالا كەتەيىك، رەسەيدەن شىققان ميللياردەر، Telegram نەگىزىن قالاۋشى پاۆەل دۋروۆ كەشە پاريج ماڭىنداعى لە-بۋرجە اۋەجايىندا ۇستالدى. ونىڭ جانىندا قۇربىسى جانە وققاعارى بولعان.
اراعا ۋاقىت سالىپ Telegram پاۆەل دۋروۆتىڭ ۇستالۋىنا بايلانىستى مالىمدەمە جاسادى.
ايتا كەتسەك، پ. دۋروۆتىڭ قاماۋعا الىنۋى Telegram رەيتينگىسىن جاقسارتتى.