16:57, 17 شىلدە 2026

فۋتبولدان الەم چەمپيوناتى فينالىنىڭ بيلەتتەرى قانشا تۇرادى

استانا. قازاقپارات - 2026-جىلعى الەم چەمپيوناتىنىڭ فينالىنا بيلەتتەر ا ق ش- تاعى سپورتتىق ءىس-شارالار تاريحىنداعى ەڭ قىمبات بيلەتكە اينالۋى مۇمكىن دەپ حابارلايدى Yahoo Sports.

Фото: Yabiladi.сom

يسپانيا - ارگەنتينا ماتچى جەكسەنبى، 19-شىلدەدە نيۋ-دجەرسيدەگى MetLife ستاديونىندا وتەدى.

TickPick ونلاين پلاتفورماسىنىڭ مالىمەتىنە قاراعاندا، ماتچ بيلەتتەرىنىڭ ورتاشا باعاسى - 11327 دوللار، بۇل - ورتاشا ساتىپ الۋ باعاسى بويىنشا تاريحتاعى ەڭ قىمبات بيلەت.

الدىڭعى ەڭ جوعارى كورسەتكىش 2024-جىلعى سۋپەركۋبوكتا تىركەلگەن ەدى، ول كەزدە San Francisco 49ers» - «Kansas City Chiefs» ماتچىنا ورتاشا بيلەت باعاسى 9411 دوللار بولعان.

2026-جىلعى الەم چەمپيوناتىنىڭ فينالىنا ەڭ ارزان بيلەت 7451 دوللاردان باستالادى.

TickPick پلاتفورماسىندا تىركەلگەن ەڭ قىمبات ساتىپ الۋ - 115A سەكتورىنداعى 21-قاتاردان الىنعان ەكى بيلەت. ءار بيلەت 28479 ا ق ش دوللارىنا ساتىلعان.

USA Today باسىلىمىنىڭ مالىمەتىنشە، انگليا 1966-جىلدان بەرگى العاشقى فينالىنا شىققاندا نەمەسە ا ق ش العاشقى فينالىن ءوز الاڭىندا وتكىزگەندە باعالار بۇدان جوعارىراق بولۋى مۇمكىن ەدى.

ەسكە سالايىق، بۇعان دەيىن فۋتبولدان الەم چەمپيوناتىنىڭ كۋبوگى نيۋ-يورك پەن نيۋ-دجەرسي ستاديونىنا ارنايى جاسالعان Louis Vuitton چەمودانىندا جەتكىزىلەتىنىن حابارلاعانبىز.

سپورت FIFA 2026
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған. 2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист. Сейдақмет Бердіқұлов атындағы арнайы сыйлықтың лауреаты.