تايلاندتا سۋ تاسقىنىنان پىلدەر قىرىلدى

استانا. KAZINFORM - تايلاندتا پىلدەردى سۋىقتىرۋ قورىعىنداعى ەكى ءپىل سۋ تاسقىنىنان قىرىلدى، دەپ حابارلايدى Euronews.

تابيعي اپات پىلدەر مەكەندەيتىن ۇلتتىق پارككە ايتارلىقتاي زيان كەلتىردى. بۇعان دەيىن تايلاندتا «ياگي» تايفۋنى سوقتى. تابيعي اپاتقا بايلانىستى قورىقتى ەۆاكۋاتسيالاۋ تۋرا كەلدى. جۇزدەن استام ءپىل قۇتقارىلدى، ءبىراق ەكەۋى كۇشتى سۋ تاسقىنى كەزىندە باتىپ كەتتى. جانۋارلاردىڭ دەنەلەرى تاسىپ جاتقان وزەننىڭ تومەنگى اعىسىنان تابىلعان. تاعى ءبىر ءپىل جوعالىپ كەتتى.

قورىقتىڭ ينفراقۇرىلىمى ايتارلىقتاي زارداپ شەكتى. ساياباق باسشىلىعى ەل بيلىگىنە جۇگىنىپ، كومەك سۇرادى.

بۇعان دەيىن زيمبابۆە بيلىگى قۇرعاقشىلىقتان قۇتىلۋ ءۇشىن 200 ءپىلدى ءولتىرۋدى جوسپارلاپ وتىرعانى تۋرالى جازعان بولاتىنبىز.

زيمبابۆەدە بارلىعى 100 مىڭعا جۋىق ءپىل مەكەندەيدى. بۇل ەل وسى جانۋارلاردىڭ سانى بويىنشا بوتسۆانادان كەيىنگى ەكىنشى ورىندا تۇر. زيمبابۆەدە پىلدەر بۇعان دەيىن 1988 -جىلى اتىلعان دا ايتا كەتكەن ءجون.

ناميبيا سوڭعى ونجىلدىقتاعى ەڭ اۋىر قۇرعاقشىلىق سالدارىنان 700 جابايى جانۋاردىڭ، ونىڭ ىشىندە پىلدەر مەن سۋسيىر جويىلاتىنىن مالىمدەگەن. ناميبيانىڭ قورشاعان ورتانى قورعاۋ مينيسترلىگى 160-قا جۋىق جانۋاردىڭ ولتىرىلگەنىن حابارلادى.

ەسكە سالا كەتسەك، قازاقستاندا كيىك پوپۋلياتسياسىن رەتتەۋ 2023 -جىلدىڭ قازانىندا باستالىپ، 2024 -جىلدىڭ 10 اقپانىندا اياقتالدى. مەملەكەت باسشىسى قاسىم- جومارت توقايەۆ قوستاناي وبلىسىنىڭ تۇرعىندارىمەن كەزدەسۋىندە قازاق دالاسىنىڭ سيمۆولى سانالاتىن كيىكتەر پوپۋلياتسياسىن جويۋعا تىيىم سالاتىنىن مالىمدەدى. ەلىمىزدىڭ اۋماعىندا كيىك اۋلاۋ ۋاقىتشا توقتادى.