استانا. KAZINFORM - اۋە اپاتى جۇما كۇنى تاڭەرتەڭ حۋاحين اۋەجايىنىڭ ماڭىندا بولدى، دەپ حابارلايدى Bangkok Post.
ۇشاق اپاتىنان ءۇش ۇشقىشتى قوسقاندا بەس ادام قازا تاۋىپ، ءبىر ادام ءىز-ءتۇزسىز جوعالىپ كەتكەن.
حابارلانعانداي، ۇشاق سيام شىعاناعىندا، پەتچابۋري پروۆينتسياسىنداعى Baby Grande Hua Hin قوناقۇيىنىڭ ماڭىندا قۇلاعان.
DHC-6-400 Twin Otter ۇشاعىنىڭ بورتىندا ءۇش ۇشقىش، ەكى مەحانيك جانە اۋە ينجەنەرى بولعان. مەحانيكتەردىڭ ءبىرى ءىز-ءتۇزسىز جوعالىپ، ونى ىزدەۋ جۇمىستارى جالعاسىپ جاتىر.
اپاتتىڭ سەبەبىن انىقتاۋ ءۇشىن تەرگەۋ امالدارى جۇرگىزىلىپ جاتىر.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.