تايۆاندا جەر سىلكىنىسىنەن ءتورت ادام قازا تاۋىپ، 97 ادام جاراقات الدى
استانا. KAZINFORM - تايۆانداعى جەر سىلكىنىسىنەن قازا تاپقاندار سانى ءتورت ادامعا جەتتى، تاعى 97 ادام زارداپ شەكتى.
جەرگىلىكتى ب ا ق حابارلاۋىنشا، تايۆاننىڭ شىعىسىندا بولعان كۇشتى جەر سىلكىنىسى قىتايدىڭ شىعىسىنداعى ءبىرقاتار پروۆينتسيالاردا انىق سەزىلگەن.
تايۆانداعى كۇشتى جەر سىلكىنىسىنە بايلانىستى قىتايدىڭ شىعىسىنداعى تەمىر جولداردىڭ كەيبىر ۋچاسكەلەرىندە پويىز قاتىناسى توقتاتىلدى.
بۇعان دەيىن حابارلانعانداي، ماگنيتۋداسى 7,2 بالدىق جەر سىلكىنىسى سارسەنبى كۇنى جەرگىلىكتى ۋاقىت بويىنشا ساعات 07:58-دە (استانا ۋاقىتىمەن 04:58) بولىپ، بۇكىل تايۆاندا سەزىلدى.
جەرگىلىكتى سەيسمولوگتاردىڭ مالىمەتىنشە، جەر سىلكىنىسىنىڭ وشاعى ارالدىڭ شىعىس جاعالاۋىندا، حۋاليان قالاسىنان وڭتۇستىك-شىعىسقا قاراي 25 شاقىرىم جەردە، وشاعى 15,5 شاقىرىم تەرەڭدىكتە بولعان.
اۆتور
زارينا تۋعانبايەۆا