استانا. KAZINFORM - ا ق ش- تىڭ يرانعا قارسى وپەراتسياسى باستالعالى بەرى قازا تاپقان امەريكالىق اسكەريلەر سانى جەتەۋگە جەتتى. قازا تاپقان اسكەري قىزمەتكەر ساۋد ارابياسىندا ورنالاسقان بولىمشەگە قاراستى بولعان. بۇل تۋرالى ا ق ش قارۋلى كۇشتەرىنىڭ ورتالىق قولباسشىلىعى — CENTCOM مالىمدەدى.
- وتكەن ءتۇنى ا ق ش اسكەري قىزمەتكەرى يراننىڭ العاشقى جاۋاپ سوققىلارى ناتيجەسىندە العان جاراقاتتارىنان قايتىس بولدى، - دەپ حابارلادى قولباسشىلىق X الەۋمەتتىك جەلىسىندە. - بۇل «ەپيكالىق قاھار» وپەراتسياسى بارىسىندا ۇرىس كەزىندە قازا تاپقان جەتىنشى امەريكالىق اسكەري قىزمەتكەر.
مالىمەتكە سايكەس، قازا تاپقان اسكەري قىزمەتكەر ساۋد ارابياسىندا ورنالاسقان بولىمشەگە قاراعان جانە ول 1-ناۋرىز كۇنى اۋىر جاراقات العان.
بۇعان دەيىنيراننىڭ ساراپشىلار كەڭەسى جاڭا رۋحاني كوسەمدى سايلاعانى حابارلاندى. بۇل قىزمەتكە 56 جاستاعى سەيەد مودجتابا حامەنەي - يراننىڭ بۇرىنعى جوعارعى جەتەكشىسى الي حامەنەيدىڭ ەكىنشى ۇلى تاعايىندالدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.