تاياۋ شىعىس ەلدەرىندە قوي جانە قۇس ەتىنىڭ ەكسپورتى ارتادى - ساۋدا ءمينيسترى

استانا. KAZINFORM - قىتايعا دايىن ءونىمنىڭ ەكسپورتىن 2,5 ەسەگە ۇلعايتۋ جوسپارلانىپ وتىر. بۇل تۋرالى ۇكىمەت وتىرىسىندا ساۋدا جانە ينتەگراتسيا ءمينيسترى ارمان شاققاليەۆ ءمالىم ەتتى.

«2029 -جىلعا قاراي ەكسپورت كولەمىن 45 ميلليارد دوللارعا جەتكىزۋ ءۇشىن نەگىزگى باعىتتار انىقتالدى. ەڭ الدىمەن، قىتايعا باسىم نازار بەرىلىپ وتىر. ورتا مەرزىمدى پەرسپەكتيۆادا دايىن ءونىمنىڭ ەكسپورتىن 2,5 ەسەگە ۇلعايتۋ جانە 12,5 ميلليارد دوللارعا دەيىن جەتكىزۋ ماقساتىن الدىمىزعا قويىپ وتىرمىز (2023 -جىلدىڭ قورىتىندىسى بويىنشا قحر- عا شيكىزاتتىق ەمەس تاۋارلاردىڭ ەكسپورتى 5 ميلليارد دوللاردى قۇرادى)»، - دەدى ا. شاققاليەۆ.

ونىڭ ايتۋىنشا، ەۋرازيالىق ەكونوميكالىق وداق جانە ورتالىق ازيا ەلدەرىمەن تاۋار اينالىمىن ارتتىرۋ بويىنشا قارقىندى جۇمىس اتقارىلىپ جاتىر، شەكارا ماڭىنداعى ساۋدانىڭ ءتيىستى ينفراقۇرىلىمى قۇرىلۋدا.

«تاياۋ شىعىس ەلدەرىندە سۇرانىسى جوعارى توڭازىتىلعان قوي ەتى، قۇس ەتى جانە وزگە دە تاۋارلاردى جەتكىزۋدى ۇلعايتۋ پىسىقتالىپ جاتىر. ءبىز ءۇشىن قازاقستاندىق ازىق-تۇلىك جانە ورگانيكالىق ونىمدەردى ساتىپ الۋعا، سونداي-اق ەكسپورتقا باعدارلانعان جوبالاردى ىسكە اسىرۋ باعىتىندا جۇمىس ىستەۋگە دايىن ەۋروپا وداعىنىڭ نارىقتارى دا باسىم باعىت رەتىندە سنالادى»، - دەدى مينيستر.

اۆتور

رۋسلان عابباسوۆ