- تراسسالاردا لازەرلىك جۇيەلەر ەنگىزىلىپ جاتىر. قازىرگى ۋاقىتتا 22 ۋچاسكەدە 56 وسىنداي قۇرال بار. ول تۇنگى ۋاقىتتا جانە اۋا رايى بۇزىلعان كەزدە ءجۇرۋ باعىتىن كورسەتىپ وتىرادى. بۇل جۇمىستى جالعاستىرامىز. جىلدىڭ سوڭىنا دەيىن قوسىمشا 20 ۋچاسكەدە 48 جۇيە ورناتۋ جوسپاردا بار،-دەدى ەرجان سادەنوۆ.
ونىڭ اتاپ وتۋىنشە، جولدارداعى قاۋىپسىزدىكتى ساقتاۋ جانە زاڭ بۇزۋشىلىقتاردى انىقتاۋ ءۇشىن دروندار مەن موبيلدى كەشەندەر بەلسەندى قولدانىپ جاتىر.
- ولار تانىم بەلگىلەرى جوق كولىكتەرگە ورناتىلادى. مۇنداي تاسىلدەر جول ەرەجەسىن بۇزۋ فاكتىلەرى، قارسى جولاققا شىعۋ جاعدايلارىن كوبىرەك انىقتاۋعا، ماس جۇرگىزۋشىلەردى تەزىرەك ۇستاۋعا، ورەسكەل قۇقىق بۇزۋشىلارعا قاتىستى قاماۋ شاراسىن كەڭىنەن قولدانۋعا مۇمكىندىك بەرەدى. ناتيجەسىندە جولداعى قاۋىپسىزدىك جاعدايى ايتارلىقتاي جاقسارىپ كەلەدى،-دەدى مينيستر.
ايتا كەتەيىك، وتىرىستا جول قوزعالىسى قاۋىپسىزدىگىن قامتاماسىز ەتۋ ماسەلەسى قارالىپ، جىلۋ بەرۋ ماۋسىمىنا دايىندىق بارىسى پىسىقتالىپ جاتىر.