«News.am» اگەنتتىگىنىڭ حابارلاۋىنشا، اتالعان وقيعاعا قاتىستى قىلمىستىق كودەكستىڭ 297-بابى 2-بولىگىنىڭ 1-تارماعى (ادامدار توبىمەن جاساعان بۇزاقىلىق) جانە 452-بابىنىڭ 3-بولىگى (لاۋازىمدى تۇلعانىڭ زاڭدى ساياسي قىزمەتىنە ارالاسۋ ماقساتىندا كۇش قولدانۋ) بويىنشا ءىس قوزعالعان.
ەسكە سالايىق، 29-قازاندا ارمەنيا ۇلتتىق جينالىسىنىڭ (پارلامەنت - اۆت.) ءماجىلىس زالىندا وپپوزيتسيا جانە بيلىك پارتيالارى دەپۋتاتتارىنىڭ اراسىندا توبەلەس بولدى. جانجال «ازاماتتىق كەلىسىم» بيلىك پارتياسىنىڭ دەپۋتاتى تارون چاحوياننىڭ بايانداماسى كەزىندە باستالعان، ياعني، ونىڭ مىنبەردەن وپپوزيتسيالىق «كۇشتى ارمەنيا» فراكسياسىنىڭ وكىلدەرىنە قاتىستى ايتقان سوزدەرى نارەك كاراپەتياننىڭ نارازىلىعىن تۋدىردى. وسىدان كەيىن دەپۋتاتتار ءسوز تالاستىرىپ، ونىڭ سوڭى توبەلەسكە ۇلاستى.