«وڭىردە 3898 ءۇيدى سۋ العان، قازىر سونىڭ 2830-ى ءالى سۋدا تۇر. بارلىعى 14388 ادام قاۋىپسىز جەرگە كوشىرىلگەن بولاتىن. قازىر 5567-ءسى ۇيلەرىنە قايتىپ باردى. 8821 ادام ءالى باسپاناسىنا كىرگەن جوق. تاسقىننان زارداپ شەككەندەرگە كومەك بەرۋ جونىندەگى ارنايى كوميسسيالارعا 3897 ءوتىنىش تۇسكەن. 3443 وتباسى 100 ا ە ك (369200 تەڭگە - رەد.) كولەمىندەگى ءبىر رەتتىك كومەك الدى، تولەنگەن اقشانىڭ جالپى سوماسى 1 ميلليارد 271 ميلليون تەڭگەگە جەتتى. قازىرگە دەيىن وڭىردە 390 ءۇي تەكسەرىلىپ، 148 ءۇيدى باعالاۋ جۇرگىزىلدى. ونىڭ 23- ءى قايتا جوندەۋگە جارامدى، 7 جارامسىز دەپ تانىلدى»، - - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.
سونداي-اق، اكىمدىك وكىلى پەتروپاۆل قالاسىنداعى سولنەچنىي-2 شاعىن اۋدانىنا ەرەكشە توقتالدى.
«سولنەچنىي-2 شاعىن اۋدانىندا تاسقىننان زارداپ شەككەندەرگە ءۇي سالىنىپ جاتىر. 10 جەرگىلىكتى قۇرىلىس كومپانياسى «قازاقستان حالقىنا» قورىنىڭ قاراجاتىنا 100 ءۇي سالىپ جاتىر. سونداي-اق، «كاسپي» اكسيونەرلىك قوعامى 300 ءۇي، «Kazakhmys» كورپوراتسياسى 100 ءۇي سالىپ جاتىر. شاعىن اۋداندا 500 ءۇي جاڭادان سالىنادى»، - دەدى سەرىك عايسين.
اۆتور
ەسىمجان ناقتىباي