تاسقىننان زارداپ شەككەن يسپاندىقتار كورولدەرىنە تاس لاقتىردى

استانا. KAZINFORM - يسپان كورولى فەليپ VI مەن ونىڭ ايەلى لەتيسيا جاعدايدى جەكە باعالاۋ ءۇشىن ۆالەنسياداعى الاپات سۋ تاسقىنى زارداپتارىن ءوز كوزىمەن كورۋ ماقساتىندا اتالعان قالاعا ساپارمەن كەلدى، دەپ حابارلايدى BILD اگەنتتىگى.

الايدا ۆالەنسيا تۇرعىندارى يسپان كورولى مەن ونىڭ زايىبىن جىلى قابىلداماي، ولارعا كەرسىنشە تاس پەن تاياقتار لاقتىردى. سونىمەن قاتار ولار كومەكتىڭ ءتيىستى دەڭگەيدە كورسەتىلمەي جاتقانىن ايتىپ نارازىلىق ءبىلدىردى.

ۆالەنسيا پوليسياسى جاعدايدى ۋشىقتىرماس ءۇشىن قوسىمشا شارالار قابىلدادى.

ايتا كەتسەك، يسپانيانىڭ وڭتۇستىك-شىعىس اۋداندارىندا توقتاۋسىز جاۋعان جاڭبىردان كەيىنگى الاپات تاسقىننان ۆالەنسيا پروۆينتسياسى، كاستيليا- لا- مانچا اۋدانى مەن اندالۋسيانىڭ شىعىسى قاتتى زارداپ شەكتى. بۇل ەلدە 1957 -جىلدان بەرگى ەڭ الاپات تاسقىن دەپ باعالانۋدا. وسىعان وراي ەلدە 3 كۇن ازا تۇتۋ كۇنى جاريالاندى.

سۋ تاسقىنى سالدارىنان 200 ادام مەرت بولدى جانە ءىز- ءتۇزسىز جوعالعاندار دا بار.

سونداي-اق ەلدە توتەنشە جاعداي رەجيمى ەنگىزىلۋى مۇمكىن ەكەندىگى ايتىلۋدا.