تاسقىن سالدارى مال باعاسىنا اسەر ەتە مە - ۆيتسە-ءمينيستردىڭ جاۋابى

استانا. KAZINFORM - اۋىل شارۋاشىلىعى ۆيتسە-ءمينيسترى امانعالي بەردالين تاسقىننىڭ سالدارىن ەت پەن مالدىڭ باعاسىنا قالاي اسەر ەتەتىنى تۋرالى پىكىر ءبىلدىردى.

«تاسقىننىڭ سالدارى ەت پەن مالدىڭ باعاسىنا اسەر ەتە مە؟» - دەپ سۇرادى جۋرناليست سەنات وتىرىسىنان كەيىن.

اۋىل شارۋاشىلىعى ۆيتسە-ءمينيسترى امانعالي بەردالين تاسقىننان قىرىلعان مالدىڭ سانى ەلدەگى جالپى مالدىڭ 1 پايىزىنا دا جەتپەيتىنىن ايتىپ، مۇنداي كولەم نارىققا اسەر ەتپەيتىنىنە سەندىردى.

«جوق. ءبىزدىڭ قازاقستاندا 9 ميلليونعا جۋىق ءىرى قارامىز بار، 27 ميلليونعا جۋىق قويىمىز بار، 4 ميلليونعا جۋىق جىلقىمىز بار، باسقاسىن ەسەپتەمەگەننىڭ وزىندە. جاڭاعى 12 مىڭ باس جالپى مالدىڭ 1 پروتسەنتى دە بولمايدى عوي. سوندىقتان ەشقانداي اسەرى بولمايدى»، - دەدى ءمينيستردىڭ ورىنباسارى.

اۆتور
ەسىمجان ناقتىباي