تاساداعى تۇلعا: الداعى ۋاقىتتا ا ق ش ۆيتسە-پرەزيدەنتى بولۋى ىقتيمال تۇلعا جايىندا نە بىلەمىز

استانا. KAZINFORM - ميننەسوتا گۋبەرناتورى تيم ۋولز كامالا حارريستىڭ سايلاۋ ناۋقانى بارىسىنداعى سەرىكتەسى بولدى. ءدال وسى جايت بۇرىن مۇعالىم بولعان ءارى ۇلتتىق گۆارديا ارداگەرىنە دەموكراتيالىق پارتيانىڭ جەڭىس جولىنداعى كۇرەسىن باسقارۋ مۇمكىندىگىن بەرىپ وتىر، دەپ حابارلايدى Kazinform اگەنتتىگىنىڭ ءتىلشىسى CNN تەلەارناسىنا سىلتەمە جاساپ.

بۇرىن پەداگوگ بولعان تيم ۋولز قازىرگى ۋاقىتتا ميننەسوتا گۋبەرناتورى قىزمەتىن اتقارادى. بۇل ونىڭ ەكىنشى مەرزىمى، سونىمەن قاتار ول دەموكرات گۋبەرناتورلار قاۋىمداستىعىنا دا باسشىلىق جاسايدى. وسىدان 12 جىل بۇرىن كونگرەسستە قىزمەت ەتىپ، اۋىلدىق وكرۋگتەردىڭ كونسەرۆاتيۆتى كوڭىل-كۇيىن بىلدىرگەن ەدى. ول كونگرەسستە قىزمەت ەتكەن ۋاقىتتا دا، ودان كەيىن دە نەگىزىنەن رەسپۋبليكاشىلار باسىمدىققا يە.

مۇنىڭ الدىندا تيم ۋولز دجو بايدەن ءتىپتى پىكىرتالاستار بارىسىندا ساتسىزدىككە ۇشىراسا دا ونىڭ جاقتاۋشىسى بولعان-دى. دجو بايدەن سايلاۋعا قاتىسۋدان باس تارتقان كەزدە تيم ۋولز كەلەسى كۇنى-اق كامالا حارريسكە قولداۋ ءبىلدىردى جانە سول ۋاقىتتان بەرى دەموكراتيالىق پارتيا اتىنان ءتۇسىپ وتىرعان كانديداتتىڭ سەنىمدى، جىگەرلى ءارى وتكىر جاقتاسى رەتىندە ءوزىن كورسەتىپ كەلەدى.

سوڭعى اپتا ىشىندە تيم ۋولز رەسپۋبليكاشىلارعا قاراتا ءبىرقاتار ەستە قالارلىق ءسوز تىركەستەرىن ايتقانى بار. دەگەنمەن، ولاردىڭ ىشىندە دونالد ترامپ پەن وگويودان سەناتور دج. ۆەنسكا زاتبەلگى ءىلىپ قويۋعا دەگەن باتىلدىعى ەرەكشەلەنگەنى ءسوزسىز. ول بۇل جۇپتى ولاردىڭ ساياسي كۇن تارتىپتەرىنە قاتىستى ءسوز سويلەمەس بۇرىن «ءبىرتۇرلى جىگىتتەر» دەپ اتادى.

ءدال وسى ءسوز تىركەسى كوپشىلىكتىڭ كوكەيىندە قالىپ، بايدەنگە قارسى ناۋقاننىڭ جاڭا كەزەڭىندەگى نەگىزگى مەمگە اينالدى.

تيم ۋولز وتباسىنا قاتىستى، ايەلى گۆەنمەن بايلانىستى بەلسىزدىك پروبلەماسى جايلى ايتىپ بەردى. ءدال وسى جايت وعان ەكستراكورپورالدى ۇرىقتاندىرۋعا نارازىلىق تانىتۋشىلارعا قارسىلارعا نەمەسە كۇمانمەن قاراۋشىلارعا قارسى شىعۋ كەزىندە بەدەلىن ءبىرشاما كوتەرۋگە مۇمكىندىك بەرەدى.

«ۇلكەن قىزىمنىڭ اتى - حوۋپ (سەنىم). ويتكەنى، جۇبايىمىز ەكەۋىمىز 7 جىل بويى بالا سۇيە المادىق. بىزگە بەلسىزدىكتەن ەمدەلۋگە تۋرا كەلدى. مۇنداي دۇنيەنى، ەكستراكورپورالدى ۇرىقتاندىرۋدى (رەسپۋبليكاشىلار MAGA) شەكتەيتىن ەدى»، - دەدى ۋولز حارريس جاقتاستارىنا قاراتا ايتقان سوزىندە.

تيم ۋولز كونگرەسسكە دەيىن ورتا مەكتەپ مۇعالىمى جانە فۋتبول جاتتىقتىرۋشىسى بولدى. سونىمەن قاتار ارميا ۇلتتىق گۆاردياسىندا قىزمەت ەتىپ، قاتارداعى جاۋىنگەر قول جەتكىزە الاتىن ەڭ جوعارى شەندەردىڭ ءبىرى - اعا سەرجانت-مايور شەنىنە دەيىن كوتەرىلدى. كونگرەستە قىزمەت ەتكەن 10 جىلدان استام ۋاقىتتىڭ ىشىندە ول ءبىرجىنىستى نەكەگە تىيىم سالۋعا قارسى بولىپ، تۇسىك تاستاۋ قۇقىعىنا قولداۋ ءبىلدىردى. مۇنان بولەك، قارۋ-جاراق قۇقىعىنا قارسى شىقتى جانە بۇل ارەكەتى قارۋ-جاراق لوببيلەرىنىڭ كوڭىلىنە قونا قويعان جوق.

2022 -جىلى دەموكراتيالىق فەرمەرلىك-لەيبوريستىك پارتياسى (شتاتتىڭ دەموكراتيالىق پارتياسىن وسىلاي اتايدى - رەد. ەسكەرتپەسى) شتاتتىڭ وكىلدەر پالاتاسىن دا، سەناتىن دا باقىلاۋدى قولعا الادى. ءدال وسى جايت ۋولزگە مەملەكەتتىك مەكتەپ وقۋشىلارىنا ارنالعان تەگىن تۇسكى اس، مەديتسينالىق كومەككە قول جەتىمدىلىكتى ارتتىرۋ، جۇمىسشىلارعا كاسىپوداق قۇرۋعا مۇمكىندىك بەرەتىن قورعانىس شارالارىن كۇشەيتۋ، سونىمەن قاتار ناۋقاستانۋىنا بايلانىستى اقىلى ەڭبەك دەمالىسى مەن وتباسىلىق دەمالىستى كەڭەيتۋ سياقتى ءبىرقاتار اۋقىمدى الەۋمەتتىك قامسىزداندىرۋ باعدارلامالارى تۋرالى زاڭعا قول قويۋعا مۇمكىندىك بەردى.

ميننەسوتا دەموكراتتارى سونداي-اق زاڭمەن تۇسىك جاساتۋ قۇقىعىن بەكىتىپ، ترانسگەندەرلەردىڭ قۇقىقتارىن قورعاۋدى كۇشەيتتى، ماريحۋانانى زاڭداستىرۋ تۋرالى زاڭ جوباسىن قابىلدادى جانە قارۋ قاۋىپسىزدىگى تۋرالى جاڭا زاڭدار بەلگىلەندى.

اۆتور
مارلان جيەمباي