تارازدا دوسىمەن بىرگە قىز الىپ قاشقان جىگىت سوتتالدى

تاراز قالاسىنىڭ 2№ سوتىنىڭ شەشىمىمەن ماڭعىستاۋ جانە اقتوبە وبلىستارىنىڭ ازاماتتارى قىزدى الىپ قاشقانى ءۇشىن سوتتالدى، - دەپ حابارلايدى جامبىل وبلىسىنىڭ پروكۋراتۋراسى.

2022-جىلدىڭ كوكتەمىندە «ج» ەسىمدى ەر ادام ورتاق تانىستارى ارقىلى «ا» ەسىمدى ازاماتشامەن تانىسقان. بىرنەشە كەزدەسۋدەن كەيىن، قىز قارىم-قاتىناستى ودان ءارى جالعاستىرۋدان باس تارتقان.

الايدا وسىعان قاراماستان، «ج» قىزعا ۇيلەنۋ ءۇشىن الىپ قاشۋعا شەشىم قابىلداعان. 2023-جىلدىڭ اقپان ايىندا تارازعا كەلىپ، «ج» ەسىمدى ەر ادام مەن دوسى بىرگە ءوز جوسپارىن جۇزەگە اسىرۋعا كىرىسىپ، قىزدى الداپ، كولىككە كۇشپەن وتىرعىزىپ، قالادان الىپ كەتۋگە تىرىسقان.

كورشىلەر قىزدىڭ كومەككە شاقىرعانىن ەستىپ، پوليتسيا قىزمەتكەرلەرىنە جۇگىنگەن. پوليتسيا جەدەل ارەكەت ەتىپ، كۇدىكتىلەردىڭ كولىگىن ۇستادى.

21- قىركۇيەكتە قىلمىستىق كودەكستىڭ 125-بابى 2-بولىگىنىڭ 1-تارماعى بويىنشا سوت ۇكىمىمەن ەكەۋى دە - قىزعا ۇيلەنۋگە نيەتتى جىگىت پەن ونىڭ دوسى كىنالى دەپ تانىلىپ، 7 جىلعا باس بوستاندىعىنان ايىرىلدى.

ۇكىم زاڭدى كۇشىنە ەنگەن جوق. ۇرلاۋ، ونىڭ ىشىندە قىز الىپ قاشۋ ادام قۇقىقتارىن جانە بوستاندىق پەن تەڭدىكتىڭ نەگىزگى پرينتسيپتەرىن بۇزۋ ەكەنىن اتاپ وتكەن ءجون.

وسىعان بايلانىستى پروكۋراتۋرا ادام ۇرلاۋدىڭ ناقتى باس بوستاندىعىنان ايىرۋمەن جازالاناتىن اۋىر قىلمىس ەكەنىن ەسكەرتەدى.